Agze 1:12 - Labib An Kreol Seselwa

¹² Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Agze 1:12 ပူးပေါင်းရင်းမြစ်များ

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

Esdras 10:18

Parmi bann pret, ti annan ki ti'n marye avek fanm etranze: Bann garson Zozye, garson Yosadak, ek son bann frer, Maseya, Eliezer, Yarib, ek Gedalya.

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Ezai 1:19

Si zot aksepte obeir mwan, zot ava manz bann pli bon prodwi dan sa pei.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:14

Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.

Agze 2:2

Koz avek Zorobabel garson Sealtiel, gouverner rezyon Zida, avek Gran-Pret Zozye, garson Yosadak, e avek leres lepep ki'n retournen e dir zot:

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

Deterononm 31:12

Ou ava rasanble lepep: Zonm, fanm, zanfan, etranze ki pe reste dan ou bann lavil, pour ki zot antann e aprann respe pour SENYER, ou Bondye e obzerv byen tou bann parol sa lalwa.

Deterononm 31:13

Zot bann zanfan ki pa ankor konn sa lalwa ava kapab tande e aprann respe pour SENYER, ou Bondye tan ki ou viv dan sa pei ki ou pe al pran posesyon lo lot kote larivyer Zourden.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.