Abdyas 1:5 - Labib An Kreol Seselwa

⁵ Si voler oubyen kaser lakaz i pas kot ou aswar, ki mannyer ou pou kapab reste trankil? Pa zot pou pran tou sa ki zot kapab? Si bann zouvriye i vin rekolte rezen dan ou plantasyon, pa zot pou kit zis bann pti grap dan pye?

Abdyas 1:5 ပူးပေါင်းရင်းမြစ်များ

2 Samyel 1:19

Izrael! Ou bann gerye elit in ganny detri lo ou montanny! Akoz ou bann ero in tonbe?

Ezai 14:12

Ki'n arive! Ou'n tonbe sorti dan lesyel! Ou, sa zetwal klate, garson loror, ou'n ganny zet ater, ou ki ti abes bann nasyon!

Ezai 17:6

Pa pou reste bokou keksoz dan Izrael. Sa pei pou parey en pye zoliv apre rekolt, ler in ganny sekwe pour ranmas son fri e i reste anler dan leker apre rekolt, detrwa fri e dan brans ki pli gran, ankor detrwa dan bann bout brans. SENYER Bondye Izrael ki deklare.

Ezai 24:13

La ki mannyer pei pou ete e ki pou arive parmi bann nasyon: I pou parey pye zoliv ki'n ganny plimen pandan letan rekolt, parey letan dernyen grap rezen in ganny rekolte.

Zeremi 49:9

Dimoun ki vin ranmas grap rezen, pa pran tou rezen. Kan voler i vini dan lannwit, i pran zis sa ki i oule.

Zeremi 50:23

Gete! Babilonn ti parey en marto ki ti kraz tou nasyon; Aprezan, in ganny kraze an morso! Koman i fer ki Babilonn en vin keksoz ki fer per tou bann nasyon!

Zeremi 6:9

La sa ki SENYER liniver i deklare: Restan Izrael pou ganny ranmase, parey ou ranmas tou grap rezen ki'n reste apre rekolt.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Abdyas 1:9

Lavil Temann! Lafreyer pou sezi ou bann gerye, de sort ki tou bann zabitan dan rezyon montanny Ezai pou ganny touye.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Sofoni 2:15

Sanmenm sa ki pou arive avek Niniv, sa lavil fyer ki ti an sekirite. Son bann zabitan ti dir: Mwan ki la! Napa koman mwan! Aprezan, in ganny detri; i'n vin en landrwa maske pour zannimo! Tou sa ki pas par la i gognarde e fer bann zes endesan.

Deterononm 24:21

Kan ou rekolte rezen dan ou plantasyon, pa retournen pour rekolte sa ki'n reste lo pye. I ava pour sa etranze, sa orfelen ek sa vev.

Revelasyon 18:10

Zot pou debout alekar, akoz zot pou per devan bann tourman. Zot pou dir: Maler! En gran maler! Babilonn, gran lavil, lavil pwisan! En erdtan in ase pour ou ganny zize!