Abdyas 1:21 - Labib An Kreol Seselwa

²¹ Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Abdyas 1:21 ပူးပေါင်းရင်းမြစ်များ

Zenez 25:23

SENYER ti reponn li: I annan de nasyon dan ou vant, ou pou donn nesans de nasyon. Enn pou pli for ki lot, e sa enn ki pli gran pou servi sa enn ki pli pti.

2 Rwa 13:5

Alor, SENYER ti anvoy Izrael en liberater, pour ki zot kapab sape dan lanmen bann Siriyen. Pep Izrael ti reste dan zot prop lakaz parey avan.

Nehemi 9:27

Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Psonm 22:28

Annefe, SENYER i lerwa; i renny lo tou bann nasyon.

Psonm 22:29

Tou bann gran lo later ki'n manze, pou prostern devan li. Tou bann ki desann dan later, ki pa kapab reste vivan, pou kourbe devan li.

Psonm 47:7

Bondye i lerwa later antye. Sant en zoli psonm pour loue li.

Psonm 67:4

Bann nasyon i rezoui e sante dan lazwa, akoz ou gouvern bann pep avek lazistis e ou gid bann nasyon lo later.

Ezai 19:20

Sa i pou en siny e en temwannyaz anver SENYER liniver dan pei Lezip. Ler zot ava kriy ver SENYER akoz lopreser, i pou anvoy zot en sover, i pou defann zot e delivre zot.

Ezai 24:23

Apre sa, lalin pou vin rouz; soley pou kouver avek laont, akoz SENYER liniver pou rennyen lo montanny Siyon e dan Zerizalenm. Son mazeste pour ganny manifeste devan son bann ansyen.

Danyel 12:3

Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Matye 6:10

e ki ou renny i ganny etabli; ou lavolonte ava ganny akonpli lo later, parey dan lesyel.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Lik 22:30

Zot osi, zot ava manze e bwar atab avek mwan dan mon Rwayonm, e zot ava asiz lo tronn pour ziz 12 tribi Izrael.”

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

Let Zak 5:20

rapel sa byen: Sa enn ki ranmenn en peser lo bon semen e fer li abandonn son lerer, i pou sov en lavi dan lanmor. I pou ganny pardonnen bokou pese.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Ziz 2:16

SENYER ti donn zot bann ziz pour delivre zot kont bann voler.

Ziz 3:9

Pep Izrael ti kriy ver SENYER; SENYER ti swazir en sover ki ti delivre zot. Sa ti Otniel, garson Kenaz, pti zanfan Kaleb.