Abdyas 1:20 - Labib An Kreol Seselwa

²⁰ Larme bann egzile Izrael pou pran pei bann Kananeen ziska Sarepta. Bann egzile Zerizalenm dan Sefarad pou pran posesyon bann lavil dan Negev.

Abdyas 1:20 ပူးပေါင်းရင်းမြစ်များ

Zeremi 13:19

Bann lavil dan Sid Zida in fermen. Personn pa kapab antre. Tou bann zabitan dan Zida pe ganny deporte.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 32:44

Wi, dan teritwar Benzamen, otour Zerizalenm, dan bann lavil Zida, dan bann lavil ki lo kolin, dan bann lavil ki lo montanny e dan bann lavil ki dan Negev, dimoun pour aste ankor kare later. Bann akt lavant pour ganny ekri, sinyen, kaste devan temwen. Mon pou remet bann zabitan sa pei dan zot sityasyon pase, SENYER ki deklare.

Zeremi 33:13

Dan bann lavil ki sitye dan montanny, dan sa bann ki dan laplenn, e dan Sid Zida, dan teritwar Benzamen, dan bann vilaz ki otour Zerizalenm, e dan bann lavil dan Zida, bann berze ava kapab kont zot mouton ek zot bann kabri enn par enn, parey avan, SENYER i deklare.

Zeremi 33:26

alor, mon ti ava'n kapab rezet desandans Zakob ek David mon serviter. Mon ti ava'n kapab rezet desandans Zakob ek mon serviter David e aret pran dan son desandans sa bann ki pou gouvern desandans Abrahanm, Izaak ek Zakob. Me mon pou annan pitye pour zot e mon pou fer zot prospere parey avan.

Ezekyel 36:12

Mon pou plas bann nasyon lo ou, Izrael, mon pep. Zot pou pran ou koman zot posesyon e zot bann zanfan pa pou ganny detri.

Levanzil dapre Lik 4:26

Pourtan, Eli pa ti ganny anvoye kot okenn zot. Me i ti ganny anvoye kot en vev dan lavil Sarepta, dan rezyon Sidon.