Abdyas 1:15 - Labib An Kreol Seselwa

¹⁵ Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Abdyas 1:15 ပူးပေါင်းရင်းမြစ်များ

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Liv Zob 24:1

Akoz Bondye liniver pa'n pran en pe letan an rezerv? Akoz son bann fidel pa war son bann zour?

Psonm 137:8

Babilonn! Ou pe al ganny detri. Byennere sa bann ki pou tret ou parey ou ti tret nou!

Proverb 5:22

Malfeter i ganny pri dan son prop latrap. Lasenn son pese i anpay li.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 49:12

Annefe, la sa ki SENYER i deklare: Si sa bann dimoun ki pa ti devre ganny pini, in bezwen bwar lakoup, ou osi ou pou bezwen bwar! Ou pa pour kapab sap pinisyon; ou osi, ou pour bezwen bwar.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Ezekyel 30:3

Sa zour SENYER i pros, en zour ki lesyel pou kouver avek nyaz; i pou en zour maler pour tou nasyon.

Ezekyel 35:11

Alor, osi vre ki mwan Senyer BONDYE, mon vivan, mon deklare: Mon pou tret ou avek menm lakoler, zalouzi ek laenn ki ou'n montre kont bann Izraelit. Par mon zizman kont ou, mon pou fer ou konnen lekel mwan.

Ezekyel 35:15

Akoz ou ti montre kontantman kan ou ti war patrimwann mon pep Izrael ganny devaste, mon pou fer parey avek ou. Rezyon montanny Seir ek Edonm antye, pou ganny devaste. Alor, zot ava konnen ki mwan menm SENYER.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Amos 5:20

Sa zour, SENYER pou anmenn fernwanr, non pa lalimyer. I pou en zour teneb, san okenn lalimyer.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Habakouk 2:8

Akoz ou'n depouy en kantite nasyon, akoz ou'n fer disan imen koule, akoz vyolans dan pei, dan lavil e kot tou son bann zabitan, leres bann pep pou depouy ou.

Matye 7:2

Bondye pou ziz ou parey ou ziz lezot, e i pou servi avek ou, menm mezir ki ou'n servi anver zot.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.