2 Zan 1:8 - Labib An Kreol Seselwa

⁸ Alor, fer byen atansyon ki zot pa perdi bann fri zot travay, me ki zot resevwar en rekonpans konplet.

2 Zan 1:8 ပူးပေါင်းရင်းမြစ်များ

Ebre 10:35

Alor, pa perdi konfyans e zot ava ganny en gran rekonpans.

Revelasyon 3:11

Mon pe vini byento. Gard byen for sa ki ou posede pour ki personn pa aras ou, ou kouronn.

1 Korentyen 3:14

Si travay ki sak dimoun in fer lo sa fondasyon i reziste dife, i pou ganny en rekonpans.

1 Korentyen 3:8

Sa enn ki plante ek sa enn ki aroze, zot egal; sakenn pou ganny son saler dapre son travay.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Galat 3:4

Eski zot in fer tou sa bann leksperyans pour nanryen ditou? Sa i pa posib.

Levanzil dapre Zan 4:36

Sa enn ki rekolte i resevwar son lapey. I pe ranmas bann lagrenn pour lavi eternel. Dan sa fason, sa enn ki senmen e sa enn ki rekolte, zot ansanm dan lazwa.

Galat 4:11

Mon per ki tou sa travay ki mon'n fer pour zot i anven.

Levanzil dapre Lik 21:8

Zezi ti reponn, “Fer atansyon: Pa les zot ganny anbete. Annefe, en kantite pou servi mon non. Zot pou dir: Mwan menm Mesi. Sa letan in arive! Pa swiv zot.

Ebre 10:32

Rapel zot sa ki ti arive avek zot apre ki zot ti'n resevwar lalimyer Bondye: Zot in bokou soufer e zot in bezwen siport en gro konba.

Filipyen 3:16

An tou ka, annou kontinyen avans dan sa direksyon ki nou'n pran ziska prezan.

Mark 13:23

Me zot, fer byen atansyon! Mon'n averti zot davans lo tou sa ki pou arive.”

Matye 24:4

Zezi ti reponn zot, “Fer atansyon, pa les personn tronp zot.

Danyel 12:3

Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

1 Korentyen 15:8

Anfen, apre ki i ti'n aparet avek zot tou; i'n osi aparet avek mwan, ki parey en zanfan ki'n ne avan term.

Levanzil dapre Lik 19:19

Lerwa ti dir li: Ou, mon pou met ou ansarz senk lavil.