2 Zan 1:2 - Labib An Kreol Seselwa

² Sa laverite i dan nou, e i pou reste avek nou pour touzour.

2 Zan 1:2 ပူးပေါင်းရင်းမြစ်များ

Levanzil dapre Zan 14:16

Mwan, mon pou demann Papa, donn zot en lot Konseye pour ki i reste avek zot pour touzour.

Levanzil dapre Zan 15:7

Si zot reste ini avek mwan, e mon bann parol i reste dan zot, demann sa ki zot oule e zot ava gannyen.

1 Korentyen 9:23

Mon fer tousala pour Bonn Nouvel, pour ki mon ava ganny en par dan bann byen ki i promet.

2 Korentyen 4:5

Annefe, kan nou prese, pa nou menm ki nou pe proklanmen, me Zezi-Kri koman Senyer. Lo nou kote, nou konsider nou koman zot serviter akoz Zezi.

Kolosyen 3:16

Mon demande ki parol Kris i reste dan zot avek tou son larises. Enstri, e averti kanmarad avek lasazes. Avek rekonesans, loue Bondye avek psonm, kantik ek sanson enspire par Lespri.

2 Timote 1:5

Mon rapel ou lafwa senser, sa lafwa ki ou gran manman Lois ek ou manman Enis ti posede avan ou, e ki aprezan, mon sir, ou osi, ou posede.

2 Pyer 1:12

Pour sa rezon ki mon pour touzour rapel zot tousala, menm si zot deza konnen e ki zot in byen etabli dan laverite ki zot in resevwar.

1 Zan 1:8

Si nou pretann ki nou san pese, nou pe anbet nou lekor e laverite pa dan nou.

1 Zan 2:14

Mon bann zanfan! Mon pe ekri zot, akoz zot konn Papa. Bann papa! Mon pe ekri zot akoz zot konn sa enn ki egziste depi o konmansman. Bann zennzan! Mon pe ekri zot, akoz zot for. Parol Bondye i reste dan zot e zot in ganny laviktwar lo Move.

1 Zan 2:17

Lemonn ek tou son bann dezir pou disparet. Me sa enn ki fer lavolonte Bondye i viv pour touzour.