2 Timote 4:5 - Labib An Kreol Seselwa

⁵ Me ou, kontrol ou dan tou sirkonstans; siport lasoufrans, fer ou travay koman predikater Bonn Nouvel, e ranpli ou devwar dan servis Bondye.

2 Timote 4:5 ပူးပေါင်းရင်းမြစ်များ

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Ezekyel 3:17

Ou ki en imen, mon'n etabli ou koman en gardyen lo pep Izrael. Sak fwa ou antann en parol sorti dan mon labous, ou ava transmet pep Izrael mon lavertisman.

Ezekyel 33:2

Ou ki en imen, koz avek ou pep e dir zot sa ki arive kan mon anvoy lager kont en pei. Bann zabitan sa pei i swazir en zonm parmi zot e plas li koman santinel.

Ezekyel 33:7

Alor, ou ki en imen, mon plas ou koman santinel pour pep Izrael. Ou devre ekout mon parol, e pas zot lavertisman ki sorti kot mwan.

Matye 25:16

Sa serviter ki ti'n ganny senk talan ti fer komers avek sa larzan e i ti ganny ankor senk.

Mark 13:34

I pou parey en zonm ki pe al an vwayaz. I kit son lakaz e met son bann serviter ansarz. I donn sakenn son louvraz; i donn lord gardyen pour vey laport.

Mark 13:37

Sa ki mon dir avek zot, mon dir avek tou dimoun: Veye.”

Levanzil dapre Lik 12:37

Ere sa bann serviter ki zot met i war pe veye kan i arive! Mon dir zot, sa i laverite: I pou met son tabliye, fer zot osi asiz atab, e servi zot.

Akt de Zapot 21:8

Lannmen, nou ti lev lank e ariv Sezare. La, nou ti al kot levanzelis Filip, e reste kot li. Filip ti enn parmi sa set zonm ki ti'n ganny swazir.

Romen 15:19

par pwisans bann siny ek bann mirak, par pwisans Lespri Bondye. Mon'n alor anons plennman Bonn Nouvel konsernan Kris, partou, depi Zerizalenm, ziska rezyon Iliri.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Efezyen 4:12

Konmsa ki i'n prepar pep Bondye pour akonpli son servis e fer grandir lekor Kris.

Kolosyen 1:25

Annefe, mon'n vin serviter Legliz par sa responsabilite ki Bondye in konfye mwan pour akonplir pour zot, setadir, pour anons son mesaz:

Kolosyen 4:17

Dir Arsip, fer sir ki i fer byen sa travay ki i'n ganny konfye dan servis Senyer.

1 Tesalonisyen 5:6

Alor, fodre pa ki nou dormi parey lezot, me annou reste vizilan e avek en lespri kler.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Timote 4:15

Pran byen aker sa responsabilite e met tou ou zefor ladan, pour ki tou dimoun ava war progre ki ou fer.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

2 Timote 2:3

Koman en bon solda Zezi-Kri, pran ou par soufrans.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

Ebre 13:17

Obei zot bann dirizan e swiv zot lord. Annefe sa bann dimoun pe kontinyelman vey lo zot, akoz zot pou bezwen rann kont lo zot size. Les zot fer zot travay dan lazwa, olye dan lapenn. Sa pa pou anmenn okenn lavantaz pour zot.

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.

Revelasyon 3:2

Leve! Afermi sa ki reste ankor dan ou, avan ki i mor konpletman. Annefe, mon pa'n war okenn ou bann aktivite parfe devan mon Bondye.