2 Timote 3:6 - Labib An Kreol Seselwa

⁶ Serten parmi zot i antre dan bann lakaz e soumet anba zot lenfliyans, bann fanm feb ki sarze avek pese, ki les zot ganny antrennen par toudsort kalite pasyon.

2 Timote 3:6 ပူးပေါင်းရင်းမြစ်များ

Psonm 38:4

Mon bann fot in kouver mwan; zot in vin en fardo tro lour pour mwan.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Matye 23:14

Maler lo zot bann profeser Lalwa ek bann Farizyen! Bann ipokrit! Zot eksplwat bann vev e pran posesyon zot lakaz. Anmenmtan, zot fer long lapriyer pour zot paret bon. Zot kondannasyon pou pli sever.

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Mark 4:19

Me traka lavi, plezir larises avek tou lezot dezir, i penetre dan zot e touf Laparol. Alor, zot pa prodwir okenn fri.

1 Korentyen 12:2

Zot konnen ki kan zot pa ti'n ankor konn Bondye, zot ti ganny antrennen ver bann zidol ki pa koze.

1 Timote 5:6

Me en vev ki viv dan plezir in deza mor malgre ki i vivan.

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 3:17

Me zot, mon bann zanmi! Aprezan, zot in ganny averti. Alor, fer byen atansyon, pangar zot ganny antrennen par lerer sa bann lennmi Bondye. Konmsa, zot ava reste solid dan lafwa.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.