2 Timote 3:3 - Labib An Kreol Seselwa

³ Zot pou annan leker dir, san pitye, kalonmnye zot prosen, vyolan, kriyel, lennmi tou sa ki byen.

2 Timote 3:3 ပူးပေါင်းရင်းမြစ်များ

Zenez 49:7

Modi zot lakoler, akoz i feros e zot move karakter ava osi ganny modi akoz i kriyel; mon pou diviz zot e dispers zot dan pei.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Psonm 22:6

Mon nepli en zonm. Mon ganny trete koman en lever. Dimoun i ensilte mwan, zot tou zot mepriz mwan.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Danyel 8:23

Alafen zot renny, kan pese ava'n tous son pli o nivo, en lerwa arogan e rize pou leve.

Matye 10:21

En frer pou denons son prop frer pour li ganny touye. Papa pou denons son prop zanfan. Bann zanfan pou tourn kont zot paran e fer zot ganny kondannen anmor.

Matye 4:1

Alor, Lespri ti anmenn Zezi dan dezer, pour li ganny tante par dyab.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Levanzil dapre Zan 6:70

Zezi ti reponn zot, “Pa mwan ki'n swazir zot, sa 12 zot? Pourtan, enn parmi zot i en dyab.”

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

Romen 1:31

Zot napa disernman, zot pa tenir zot promes. Zot leker i dir e san pitye anver kanmarad.

1 Korentyen 7:5

Pa bezwen refiz kanmarad; amwen ki zot tonm dakor pandan en serten letan, pour lapriyer. Apre, retourn ansanm, pour ki Satan pa profite pour tant zot e fer zot perdi kontrol.

1 Korentyen 7:9

Me si zot pa kapab kontrol zot lekor, zot devre marye, akoz i preferab ki zot marye plito ki zot brile avek zot bann pasyon.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

Let Pol pour bann Tit 1:8

O kontrer, i devre konn donn lospitalite, kontan sa ki byen, rezonnab, zis, sen e annan kontrol lo son lekor.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Pyer 2:19

Zot promet laliberte, tandis ki zot menm, zot lesklav bann plezir ki detri zot. Annefe, sakenn i lesklav sa ki domin li.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.

Revelasyon 13:15

I ti ganny pouvwar fer stati sa premye bebet vin vivan, de sort ki stati sa bebet ti kapab koze. I ti fer touy tou sa ki pa ti ador li.

Revelasyon 13:17

Ensi, personn pa ti kapab aste, ni vann, san ki i annan sa mark, setadir, non sa bebet, oubyen sif ki reprezant son non.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Revelasyon 17:6

Mon ti war ki sa fanm ti sou avek disan bann pep ki pour Bondye e avek disan bann martir pour Zezi. Kan mon ti war li, mon ti bokou etonnen.