2 Timote 3:2 - Labib An Kreol Seselwa

² Annefe, zonm pou vin egois, kontan larzan, vantar, arogan. Zot pou koz kont Bondye, dezobei zot paran, engra, san okenn respe pour sa ki sakre.

2 Timote 3:2 ပူးပေါင်းရင်းမြစ်များ

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Psonm 49:6

Zot met zot konfyans dan zot larzan; zot fer vantar avek zot gran larises.

Psonm 52:1

Ou ki pratik mansonz, ou lalang i fer konplo pour detri, parey en razwar byen fite.

Proverb 6:17

En regar meprizan, en labous mansonz, lanmen ki fer koule disan inosan;

Ezai 10:15

Eski en lars i kapab vant son lekor dan plas sa enn ki servi li? Eski en lasi i kapab fer vantar dan plas sa enn ki servi li? Sa i konmsi roten i fer bouze lebra ki lev li oubyen en baton ki diriz sa lanmen ki mannye li.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Matye 15:6

Dan sa fason, zot detri valer Parol Bondye, pour swiv zot prop tradisyon.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Akt de Zapot 5:36

Pa tro lontan, Tedas ki ti pretann i ti en zonm enportan, ti aparet. I ti menm annan apepre 400 zonm avek li. Me ler zot ti touy li, tou bann ki ti avek li ti fannen e sa mouvman ti disparet.

Romen 11:18

Pour sa rezon, ou pa devre mepriz bann brans koupe. Si ou fer vantar, mazinen ki pa ou ki tenir rasin, me rasin ki tenir ou.

2 Korentyen 5:15

Si i'n mor pour tou dimoun, se pour ki bann vivan pa viv zis pour zot menm, me pour sa enn ki'n mor e ki'n resisite pour zot.

Filipyen 2:21

Tou lezot i rod zot prop lentere e pa lakoz Zezi-Kri.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

1 Timote 1:20

Parmi zot, i annan Imene ek Aleksann ki mon'n livre avek pwisans Satan, pour montre zot, ki zot devre aret ensilte Bondye.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Timote 6:4

sa dimoun i gonfle avek lorgey e i pa konn nanryen. I ganny maladi diskisyon ek dispit lo size bann mo. Sa i lakoz zalouzi, dispit, kalonmni, move soupson,

2 Timote 3:4

Zot pou tret, annan karakter vif, gonfle avek lorgey, kontan plezir plis ki Bondye.

Let Zak 2:8

Byen sir, zot fer byen si zot obei lalwa Rwayonm Bondye. Parey Lekritir i deklare: Ou devre kontan ou prosen parey ou prop lekor.

Let Zak 4:16

Me ou, ki ou fer? Ou fer vantar! Sa kalite vantar i move.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

2 Pyer 2:12

Me sa bann zans, zot azir avek zot lensten, parey bann zannimo sovaz ki'n ne zis pour ganny atrape e touye. Zot ensilte dimoun ki zot pa ni menm konnen. Zot pou ganny detri parey sa bann zannimo sovaz.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.

Revelasyon 16:11

Zot ti ensilte Bondye dan lesyel, akoz zot douler ek zot bann boubou. Me zot pa ti repanti dan zot konportman.

Revelasyon 16:21

Bann gro lagrel ki pez ziska 40 kilo ti sorti dan lesyel e tonm lo dimoun. Sa bann dimoun ti ensilte Bondye pour sa fleo lagrel ki ti vreman terib.

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.