2 Timote 3:16 - Labib An Kreol Seselwa

¹⁶ Tou Lekritir i enspire par Bondye e i itil pour ansennyen, pour koriz lerer, pour remet drwat, e pour form en bon mannyer viv.

2 Timote 3:16 ပူးပေါင်းရင်းမြစ်များ

2 Samyel 23:2

Lespri SENYER in koz atraver mwan, son parol i dan mon labous.

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

Psonm 119:11

Mon gard ou parol dan mon leker, pour mwan pa fer pese kont ou.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 119:9

Konman eski en zenn i kapab gard son lavi pir? Kan i obei parol SENYER.

Proverb 15:10

Sa enn ki abandonn en bon semen, pou ganny pini severman; me sa enn ki deteste repros, pou mor.

Proverb 15:31

Sa enn ki ekout konsey ki lavi i donn li, ava annan son plas parmi bann saz.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Mise 2:7

Fanmir Zakob, konmsa ki zot koze? Eski pasyans SENYER in fini? Konmsa ki i azir? Mon parol pa fer dibyen bann ki mars dan bon semen.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Matye 13:52

Zezi ti dir zot, “Pour sa rezon, tou profeser Lalwa ki vin en disip Rwayonm lesyel i parey en propriyeter ki tir dan son trezor, bann keksoz nef ek bann ansyen.”

Matye 21:42

Alor, Zezi ti dir zot, “Zanmen zot in lir sa ki'n ekri dan Lekritir: Sa ros ki bann travayer ti rezete, i'n vin ros prensipal dan fondasyon! Sa travay ki Senyer in fer, i en mervey devan nou lizye.

Matye 22:43

Zezi ti demann zot, “Alor, akoz David, enspire par Lespri, ti apel li Senyer? Annefe, David ti dir:

Matye 26:54

Me, konman Lekritir pou ganny akonpli? Annefe, Lekritir i deklare ki sa i devre arive.”

Matye 26:56

Me tousala in arive pour ki Lekritir ek parol bann profet i ganny akonpli.” Alor, tou son bann disip ti abandonn li e sove.

Mark 12:24

Zezi ti reponn zot, “Zot dan lerer: Zot pa konn ni Lekritir, ni pwisans Bondye.

Mark 12:36

alor ki David li menm, enspire par Lespri Sen, ti dir: Senyer ti dir avek mon Senyer: Asiz lo mon kote drwat, ziska ki mon met ou bann lennmi anba ou lipye.

Levanzil dapre Zan 10:35

Nou konnen ki sa ki Lekritir in dir i vre, e Bondye ti apel sa bann dimoun avek ki i'n adres son mesaz, bann bondye.

Levanzil dapre Zan 3:20

Annefe, sa enn ki fer sa ki mal, pa kontan lalimyer e i pa vin dan lalimyer, akoz i pa oule ki son move aksyon i ganny demaske.

Akt de Zapot 1:16

“Mon bann frer! Fodre ki sa ki Lespri Sen in anonse davans dan Lekritir, par labous David konsernan Zida, ki ti servi koman gid pour bann ki ti vin aret Zezi, i realize.

Akt de Zapot 18:25

I ti'n ganny byen enstri dan lansennyman Senyer. Ranpli avek lantouzyasm, i ti prese e ansenny egzakteman sa ki ti konsern Zezi. Me i ti konn zis batenm Zan.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Akt de Zapot 28:25

Zot pa ti tonm dakor. Kan zot ti pe kite pour ale, Pol ti zis dir zot, “Lespri Sen ti annan rezon kan i ti dir avek zot zanset par lentermedyer profet Ezai!

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

Romen 2:20

en edikater pour bann inyoran, en ansennyan pour bann zanfan, akoz ou sir ki tou konnesans e tou laverite i dan Lalwa.

Romen 3:2

En gran lavantaz dan tou sans: Premyerman, se avek bann Zwif ki Bondye in konfye son bann promes.

Romen 4:23

Sa bann parol: Bondye ti konsider Abrahanm koman zis, pa ti ganny ekri zis pour Abrahanm.

1 Korentyen 12:7

Dan sakenn nou, Lespri i manifeste par en don ki itil pour nou tou.

Galat 3:8

Lekritir ti'n prevwar ki Bondye pou zistifye bann non-Zwif akoz zot lafwa. Alor, i ti davans anons Abrahanm sa Bonn Nouvel kan i ti deklare: Tou bann nasyon pou ganny beni atraver ou.

Deterononm 29:29

Zis SENYER, nou Bondye ki konn bann keksoz sekre. Sa ki'n ganny revele i pour nou e pour nou bann zanfan pour touzour, pour ki nou met an pratik tou bann parol sa lalwa.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 3:7

Alor, parey Lespri Sen i deklare: Ozordi, si zot antann son lavwa,

Ebre 4:12

Parol Bondye i vivan e pwisan. I pli koupe ki en lepe ki koup de kote. I kapab penetre ziska pli profon nou leker, ziska zwentir ek lanmwel lezo. I kapab ziz tou dezir ek sekre leker imen.