2 Timote 3:14 - Labib An Kreol Seselwa

¹⁴ Me ou, reste ferm dan sa ki ou'n aprann, e dan sa ki ou'n vreman krwar: Ou konnen ou menm avek ki ou'n ganny sa lansennyman.

2 Timote 3:14 ပူးပေါင်းရင်းမြစ်များ

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Romen 14:5

Serten i konsider en zour pli enportan ki en lot, tandis ki en lot i konsider tou bann zour parey. Sak dimoun i devre annan konviksyon dan sa ki i panse.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

1 Tesalonisyen 1:5

Nou pa'n anons zot Bonn Nouvel zis an parol, me osi avek pwisans, ek sekour Lespri Sen e avek konviksyon. Annefe, zot i'n war koman nou'n konport nou parmi zot, pour zot dibyen.

1 Tesalonisyen 2:13

Nou pa arete remersye Bondye pour en lot rezon: Kan nou ti anons zot Parol Bondye, zot ti ekoute e aksepte li, pa koman en parol zonm, me koman Parol Bondye tel ki i ete, e ki aktif dan zot, bann krwayan.

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

2 Timote 1:13

Pran koman en model, bann parol laverite ki mon'n ansenny ou. Reste ferm dan lafwa ek lanmour ki nou posede dan lakominyon avek Zezi-Kri.

2 Timote 2:2

Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

2 Timote 3:15

Annefe, depi ou lanfans, ou konn Lekritir sent, ki kapab donn ou lasazes ki kondwir ver lavi eternel, par lafwa dan Zezi-Kri.

Let Pol pour bann Tit 1:9

I devre reste ferm dan sa mesaz sir, parey nou'n anonse. Konmsa, i ava kapab ansenny lezot dapre sa vre doktrin e montre zot lerer, bann ki pa dakor avek li.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 6:11

Me nou oule ki sakenn parmi zot i reste aktif ziska lafen, pour fer sir ki zot lesperans i realize.