2 Timote 3:12 - Labib An Kreol Seselwa

¹² Dayer, tou dimoun ki oule viv en lavi fidel ini avek Zezi-Kri pou ganny persekite.

2 Timote 3:12 ပူးပေါင်းရင်းမြစ်များ

Matye 16:24

Apre, Zezi ti dir avek son bann disip, “Si en dimoun i oule swiv mwan, fodre ki i aret mazin son prop lekor. Fodre i pran son lakrwa e swiv mwan.

Matye 23:34

Pour sa rezon, mon pou anvoy kot zot, bann profet, bann saz ek bann profeser Lalwa. Zot pou touy serten, e krisifye en bann, fwet lezot dan zot sinagog e persekit zot dan tou lavil kot zot ale.

Mark 10:30

pou ganny 100 fwa plis. Deza konmela, i pou ganny lakaz, frer, ser, manman, zanfan, later; me osi persekisyon. E dan lemonn fitir, i ava ganny lavi eternel.

Levanzil dapre Zan 16:2

Zot pou ganny pouse dan bann sinagog. E menm en letan pe vini kan dimoun ki pou touy zot, pou krwar ki zot pe servi Bondye.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Levanzil dapre Zan 17:14

Mon'n donn zot ou mesaz, e lemonn in ay zot, akoz zot pa fer parti lemonn, parey mwan, mon pa fer parti lemonn.

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

1 Korentyen 15:19

Si nou met nou lespwar dan Kris zis pour sa lavi, dan sa ka, nou bann dimoun pli malere ki egziste.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 4:9

Nou ganny persekite, me nou pa ganny abandonnen. Nou ganny kraze, me nou pa ganny detri.

1 Timote 2:2

Pour bann lerwa ek tou dimoun ki okip en plas enportan, pour ki nou kapab viv en lavi trankil, anpe, atase avek Bondye e viv en lavi respektab avek dinyite.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Zozye 17:14

Bann desandan Zozef ti vin dir Zozye, “Akoz ou'n donn nou zis en par teritwar, alor, ki nou en pep nonbre akoz SENYER in beni nou?”

1 Pyer 3:14

Kan zot ava soufer pour lazistis, zot pou ere. Pa bezwen per personn, zot napa nanryen pour trakase.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

Revelasyon 12:4

Son lake ti balye en tyer bann zetwal dan lesyel e zet zot lo later. Sa dragon ti debout devan sa fanm ki ti pe al akouse, pour li devor son zanfan koman i ne.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.