2 Timote 3:11 - Labib An Kreol Seselwa

¹¹ mon bann persekisyon, e dan mon bann soufrans. Ou konn byen sa ki ti ariv mwan Antyos, Ikonyonm, List, ek tou sa bann persekisyon ki mon'n siporte. Me Senyer in delivre mwan dan tou.

2 Timote 3:11 ပူးပေါင်းရင်းမြစ်များ

Zenez 48:16

Mon demande ki sa lanz ki'n delivre mwan dan tou mal, i beni sa de garson. Atraver zot, mon non pa pou ganny oubliye, ensi ki non mon zanset Abrahanm ek Izaak; zot ava vin en gran pep lo later.

2 Samyel 22:1

Zour ki SENYER ti delivre David dan lanmen tou son bann lennmi e dan lanmen Sail, David ti pronons bann parol sa kantik pour SENYER.

2 Samyel 22:49

I delivre mwan kont mon bann lennmi. I donn mwan laviktwar lo sa bann ki atak mwan. I sov mwan kont dimoun ki fer vyolans.

Psonm 34:19

En zonm ki zis i tonm dan bokou maler. Me SENYER i touzour delivre li.

Psonm 37:40

SENYER i ed zot e i sov zot. I delivre zot kont bann malfeter e i sov zot, akoz zot pran li koman zot labri.

Psonm 91:14

Mon pou delivre sa enn ki kontan mwan. Mon pou protez sa enn ki konn mon non.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Danyel 6:27

I delivre e i sove. I akonpli bann siny ek mervey dan lesyel e lo later. I'n delivre Danyel dan grif bann lyon.

Akt de Zapot 13:14

Sorti Perze, zot ti ariv Antyos dan Pisidi. La, zour saba, zot ti al dan sinagog kot zot ti asiz.

Akt de Zapot 13:45

Ler bann Zwif ti war sa kantite dimoun, zot ti ranpli avek zalouzi. Zot ti kontredir Pol e ensilte li.

Akt de Zapot 14:8

Dan List, ti annan en zonm ki ti pe asiz, akoz son lipye ti paralize depi son nesans, e i pa ti'n zanmen marse.

Akt de Zapot 20:19

Mon'n servi Senyer avek bokou limilite dan sagren ek lapenn, akoz konplo bann Zwif.

Akt de Zapot 23:10

Dispit ti vin telman vyolan ki komandan Romen ti per ki zot ti ava desir Pol an morso. Alor, i ti donn lord son bann solda desann dan lasanble pour tir Pol parmi zot e retourn avek li dan fortres.

Akt de Zapot 26:17

Mon pou delivre ou parmi pep Izrael e parmi bann pep etranze kot mon pou anvoy ou.

Akt de Zapot 26:22

Me Bondye in protez mwan ziska ozordi e mon ankor la pour temwanny devan tou dimoun, pti koman gran. Mon pe anons zis sa ki Moiz ek bann profet ti dir pou arive:

Akt de Zapot 9:16

Mon pou montre li tou sa ki i pou bezwen soufer akoz mon non.”

Romen 15:31

Priye pour ki mon ganny delivre avek bann non-krwayan dan Zide, e ki bann don ki mon pe anmenn Zerizalenm i ganny aksepte par bann krwayan.

2 Korentyen 1:5

Annefe, parey nou pe partaz bokou soufrans Kris, par Kris nou ava resevwar en gran konsolasyon.

2 Korentyen 1:7

Nou lespwar dan zot i solid. Annefe, nou konnen ki koman zot annan par dan nou soufrans, zot osi annan par dan konsolasyon ki nou gannyen.

2 Korentyen 12:10

Pour sa rezon donk, ki mon satisfe dan febles, lensilt, detres, persekisyon ek lenkyetid pour Kris. Annefe, kan mon feb, lanmenm ler ki mon for.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.