2 Timote 3:10 - Labib An Kreol Seselwa

¹⁰ Me ou, ou'n swiv mwan dan mon bann lansennyman, dan mon mannyer viv, mon bann proze, mon lafwa, mon pasyans, mon lanmour, mon perseverans,

2 Timote 3:10 ပူးပေါင်းရင်းမြစ်များ

Danyel 1:8

Danyel ti deside pour pa rann li enpir avek manze lerwa ek diven lerwa. Alor, i ti demann sef zofisye dan pale rwayal pour pa obliz li rann li enpir.

Levanzil dapre Lik 1:3

I bon ki mwan osi, apre ki mon'n egzamin byen tou sa ki'n arive depi o konmansman, mon ekri sa bann levennman byen annord pour ou, mon zanmi Teofil.

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Akt de Zapot 2:42

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Akt de Zapot 20:18

Kan zot ti arive, Pol ti dir zot, “Zot konnen koman mon'n pas mon letan pandan ki mon ti avek zot, depi premye zour ki mon ti ariv dan provens Lazi.

Akt de Zapot 26:4

Tou bann Zwif i konn mon lavi depi mon lazenes. Zot konnen koman mon'n viv parmi mon pep e dan Zerizalenm.

Romen 16:17

Mon demann zot, frer ek ser, fer atansyon avek sa bann ki senm divizyon ek dezord kontrerman avek lansennyman ki zot in gannyen. Evit bann tel dimoun.

2 Korentyen 1:17

Eski kan mon ti form sa proze, mon pa ti serye? Oubyen, eski mon bann plan i en bann proze zonm, de sort ki i annan dan mwan, anmenmtan wi ek non?

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Filipyen 2:20

Zis Timote ki'n pran par dan traka ki mon fer pour zot e ki vreman fer sousi pour zot.

Filipyen 2:22

Zot konnen zot menm ki mannyer Timote in montre son fidelite: I'n travay avek mwan, dan servis Bonn Nouvel, parey en garson avek son papa.

1 Tesalonisyen 1:5

Nou pa'n anons zot Bonn Nouvel zis an parol, me osi avek pwisans, ek sekour Lespri Sen e avek konviksyon. Annefe, zot i'n war koman nou'n konport nou parmi zot, pour zot dibyen.

1 Timote 1:3

Parey mon ti dir ou kan mon ti pe al Masedwann, reste Efez kot serten dimoun pe ansenny fo doktrin. Fodre ou fer zot arete.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

2 Timote 4:3

Annefe, en letan pe vini, kan dimoun pou nepli siport lansennyman laverite; me zot pou swiv zot prop dezir. Zot pou rasanble en kantite ansennyan otour zot pour dir zot sa ki zot zorey i oule tande.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

Let Pol pour bann Tit 2:7

Ou menm, ou devre donn legzanp par bann bon aksyon. Ou devre senser, e serye dan ou lansennyman.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.