La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.
Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.
Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.
Zan ti vini pour montre zot lekel sa bon semen pour zot swiv, e zot pa ti oule krwar li. Me bann kolekter taks ek bann prostitye ti krwar li. Menm apre ki zot in war sa, zot pa ti sanz zot leker pour krwar li.”
Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!
Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.
Kan zot ti'n antann sa, zot ti al dan Tanp granmaten e konmans ansennyen. Kan Gran-Pret avek son lantouraz ti arive, zot ti konvok Konsey ek Lasanble bann ansyen dan pep Izrael. Zot ti anvoy sers bann zapot dan prizon.
Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.
Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,
Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.
Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.