2 Timote 2:24 - Labib An Kreol Seselwa

²⁴ E zot konnen ki serviter Senyer pa devret fer kerel. Okontrer, i devre byen avek tou dimoun, kapab ansennyen e pasyan.

2 Timote 2:24 ပူးပေါင်းရင်းမြစ်များ

2 Kronik 24:6

Alor, lerwa ti konvok Gran-Pret Yoyada e demann li, “Akoz ou pa'n egzize ki bann levit i anmenn sa kontribisyon sorti Zerizalenm ek Zida ki Moiz serviter SENYER ek lasanble ti rekomann bann Izraelit pour latant Temwannyaz?”

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Matye 12:19

I pa pou dispit; i pa pou kriye. Personn pa pou antann son lavwa dan semen.

Levanzil dapre Zan 6:52

En gran diskisyon ti leve parmi bann Zwif. Zot ti demande, “Ki mannyer sa zonm i kapab donn nou son laser pour manze?”

Akt de Zapot 15:2

En gran diskisyon ti leve lo sa size, ant sa bann zonm, avek Pol ek Barnabas. Alor, zot ti deside ki Pol ek Barnabas, akonpannyen par detrwa lezot frer, zot mont Zerizalenm pour diskit sa problenm avek bann zapot ek bann ansyen.

Akt de Zapot 23:9

Alor, zot ti konmans kriy pli for e serten profeser Lalwa, manm group Farizyen ti debout e proteste byen for, “Nou pa war nanryen mal avek sa zonm. Ki i fer si en lanz oubyen en lespri in kekfwa koz avek li?”

Akt de Zapot 7:26

Lannmen, Moiz ti war de Izraelit pe lager e i ti oule met lape ant zot. I ti dir zot: Mon bann zanmi! Zot frer, akoz zot pe maltret kanmarad?

2 Korentyen 10:1

Mwan Pol, mon ankouraz zot par ladouser ek labonte Kris, avek limilite ki zot dir mon annan kan mon parmi zot e avek lardyes kan mon lwen avek zot.

2 Korentyen 10:4

Annefe, bann zarm ki nou pe servi dan nou lalit i pa sorti kot zonm: Zot bann zarm pwisan ki sorti kot Bondye e ki kapab detri bann fortres. Nou kapab detri tou bann fo rezonnman.

2 Korentyen 6:4

O kontrer, nou fer tou nou posib pour viv koman bann serviter Bondye: Nou'n persevere omilye bann soufrans, dan bann moman detres, e dan bann kalamite.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Deterononm 34:5

Moiz, serviter SENYER, ti mor la dan pei Moab, parey SENYER ti'n deside.

Filipyen 2:14

Fer tou keksoz san okenn konplent, ni diskisyon.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Kolosyen 3:13

Siport kanmarad, e pardonnen sak fwa ki enn parmi zot i ofans kanmarad. Parey Senyer ti pardonn zot, zot osi pardonn kanmarad.

1 Tesalonisyen 2:7

O kontrer, nou'n montre labonte parmi zot. Nou ti azir parey en manman ki pran swen son bann zanfan.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.

Let Pol pour bann Tit 1:9

I devre reste ferm dan sa mesaz sir, parey nou'n anonse. Konmsa, i ava kapab ansenny lezot dapre sa vre doktrin e montre zot lerer, bann ki pa dakor avek li.

Let Pol pour bann Tit 3:2

Dir zot pa malparl personn, evit tou kerel e montre zot zanmi e poli avek tou dimoun.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Let Zak 4:2

Zot oule keksoz, me zot pa kapab gannyen. Alor, zot pare pour touye. Zot anvi, me zot pa kapab gannyen. Alor, zot fer kerel ek lager. Zot pa ganny sa ki zot anvi, akoz zot pa konn demande.

Zozye 1:1

Apre lanmor Moiz, serviter SENYER, SENYER ti koz avek Zozye, garson Noun e asistan Moiz.

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.