2 Timote 2:2 - Labib An Kreol Seselwa

² Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

2 Timote 2:2 ပူးပေါင်းရင်းမြစ်များ

Esdras 7:10

Esdras ti'n met tou son leker dan letid lalwa SENYER, met li an pratik e ansenny dan Izrael tou bann lalwa ek regleman.

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Nehemi 7:2

Mon ti donn mon bann lord avek mon frer Hanani, e avek Hananya, sef sitadel Zerizalenm, ki ti en zonm fidel ki ti annan gran respe pour Bondye, plis ki bokou lezot.

Psonm 101:6

Mon pou swazir dimoun sir dan pei. Zot pou asosye avek mwan. Sa enn ki kondwir li byen ava kapab servi mwan.

Proverb 13:17

En move mesaze i anmenn maler; en mesaze fidel i anmenn gerizon.

Zeremi 23:28

Sa profet ki'n ganny en rev, i devre rakont son rev! Sa profet ki'n antann en mesaz ki sorti kot mwan, i devre proklanm sa mesaz avek fidelite! Ki lapay pe fer avek dible? SENYER i deklare.

Levitik 14:42

Apre, zot ava ranplas bann ros ki'n ganny tire, par lezot ros e pran en lot mortye pour rekrepi lakaz.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Nonm 12:7

I pa le ka avek mon serviter Moiz. Li menm sa zonm konfyans ki ansarz mon pep Izrael.

Matye 13:52

Zezi ti dir zot, “Pour sa rezon, tou profeser Lalwa ki vin en disip Rwayonm lesyel i parey en propriyeter ki tir dan son trezor, bann keksoz nef ek bann ansyen.”

Matye 24:25

La mon'n anons zot tousala davans.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

1 Korentyen 4:2

Tou administrater, i devre ganny trouve fidel.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

2 Korentyen 3:5

Annefe, nou pa kapab pretann akonplir en tel tas par nou menm. Sa ki nou kapab fer i sorti kot Bondye.

Kolosyen 1:7

Epafras, nou bon koleg travay, ki ti donn zot sa lansennyman. I ti pour zot, en fidel serviter Kris.

1 Timote 1:12

Mon remersye Zezi-Kri, nou Senyer ki'n donn mwan lafors pour sa travay. Mon remersye li ki'n met son konfyans dan mwan, e ki'n swazir mwan pour son servis,

1 Timote 1:18

Timote, mon garson! Mon konfye ou sa lansennyman, ki annakor avek parol bann profet. Fer ki sa bann parol, i ou lafors dan sa bon konba ki ou'n livre

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.

1 Timote 5:22

Pa prese pour enpoz lanmen lo personn, pour konfye li en responsabilite dan Legliz. Pa bezwen partisip dan pese lezot; gard ou lekor pir.

1 Timote 6:12

Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

2 Timote 3:10

Me ou, ou'n swiv mwan dan mon bann lansennyman, dan mon mannyer viv, mon bann proze, mon lafwa, mon pasyans, mon lanmour, mon perseverans,

2 Timote 3:14

Me ou, reste ferm dan sa ki ou'n aprann, e dan sa ki ou'n vreman krwar: Ou konnen ou menm avek ki ou'n ganny sa lansennyman.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

1 Samyel 2:35

Mon pou etabli en pret fidel ki pou akonpli tou mon lavolonte dapre mon leker e dapre mon lespri. Mon pou donn li en desandans solid ki pou touzour mars devan lerwa ki'n resevwar mon lonksyon