2 Timote 2:19 - Labib An Kreol Seselwa

¹⁹ Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

2 Timote 2:19 ပူးပေါင်းရင်းမြစ်များ

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 112:6

Sa enn ki fer tousala, pa pou zanmen tonbe. I pa pou zanmen ganny oubliye.

Psonm 34:14

Aret fer sa ki mal, pratik sa ki byen; rod lape e met li an pratik.

Psonm 37:18

SENYER i konn lavi bann dimoun ki kondwir zot byen. Zot later ava pour zot pour touzour.

Psonm 97:10

Ou ki kontan SENYER! Deteste lemal. I vey lo lavi bann ki obei li; i delivre zot dan lanmen bann malfeter.

Proverb 10:25

Ler tanpet i vini, malfeter i fannen; me sa enn ki zis i reste pour touzour.

Proverb 3:7

Pa krwar ou tro saz; annan respe pour SENYER e elwanny avek sa ki mal.

Ezai 14:32

Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Ezai 63:19

Depi lontan nou'n vin sa bann ki ou nepli gouvernen, sa pep ki pa ganny apele par ou non.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Nahoum 1:7

SENYER i bon, i en labri dan moman detres. I pran swen bann ki met zot konfyans dan li,

Agze 2:23

Me sa zour, mon pou pran ou, mon serviter Zorobabel, garson Sealtiel e fer ou vin parey en sele personnel, akoz mon'n swazir ou. SENYER liniver ki deklare.

Zakari 3:9

Annefe, la sa ki SENYER liniver i deklare: Lo sa ros ki mon'n plas devan Zozye, sa ros rar, ki annan set kote, mwan menm ki pou grav son lenskripsyon; e dan en sel zour, mon pou efas pese sa pei.

Nonm 16:5

I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

Nonm 6:27

Konmsa zot ava fer mon non repoz lo pep Izrael e mon ava beni zot.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Matye 7:23

Alor, mon pou reponn zot: Mon pa'n zanmen konn zot. Sorti la lwen ek mwan, zot ki pratik lemal.

Matye 7:25

Lapli i tonbe, larivyer i deborde, e divan i soufle lo sa lakaz. Me i pa tonbe, akoz i'n ganny konstri lo ros.

Mark 12:16

Zot ti anmenn en pyes larzan. Zezi ti demann zot, “Figir ek non lekel ki lo la?” Zot ti reponn li, “Sezar.”

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Levanzil dapre Lik 13:27

Me i pou reponn: Mon pa konnen kote zot sorti. Sorti kot mwan, zot tou ki komet lenzistis!

Levanzil dapre Lik 6:48

I parey en zonm ki konstri en lakaz. I fouy byen dan fon e poz son fondasyon lo ros. Kan linondasyon i arive, e delo i bat avek lakaz, i pa kapab sekwe li, akoz i'n ganny byen konstri.

Levanzil dapre Zan 10:14

Mwan menm sa bon berze. Mon konn mon bann mouton, e mon bann mouton zot konn mwan.

Levanzil dapre Zan 13:18

Mon pa pe koz lo zot tou. Mon konnen lekel ki mon'n swazir. Me fodre ki sa parol Lekritir i realize: Sa enn ki'n partaz mon dipen, in lev son talon kont mwan.

Levanzil dapre Zan 3:33

Sa enn ki aksepte son temwannyaz i sertifye ki Bondye i Laverite.

Akt de Zapot 11:26

Kan i ti'n war li, i ti anmenn li Antyos. Zot ti pas enn an ansanm avek sa Legliz e zot ti ansenny en kantite dimoun. Se la Antyos ki pour premye fwa, bann krwayan ti ganny apele kretyen.

Akt de Zapot 15:17

pour ki leres dimoun i rod Senyer, ensi ki tou bann nasyon ki port mon non. Sanmenm sa ki Senyer in deklare,

Akt de Zapot 9:14

La i'n vin Damas avek pouvwar ki bann gran-pret in donn li pour aret tou bann ki envok ou non.”

Romen 11:2

Bondye pa'n rezet son pep ki i'n swazir davans. Zot konnen, sa ki Lekritir i dir dan sa pasaz kot Eli i plennyen devan Bondye kont Izrael,

Romen 12:9

Lanmour i devre senser. Deteste sa ki mal e reste atase avek sa ki byen.

Romen 15:20

Mon'n pran li koman en loner pour mwan anons Levanzil spesyalman dan bann landrwa kot non Kris pa'n ankor ganny mansyonnen, pour mwan pa konstri lo fondasyon poze par lezot.

Romen 15:9

Konmsa menm ki bann non-Zwif, zot osi, zot in kapab rann glwar Bondye pour son labonte, parey Lekritir i deklare: Pour sa rezon, mon pou loue ou parmi bann nasyon. Mon pou sant an loner ou non.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Romen 9:11

Avan menm ki sa de zanfan ti ne e fer okenn keksoz bon oubyen move, Bondye dan son plan, pa ti swazir dapre aksyon, me dapre sa ki i ti oule swazir.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

1 Korentyen 8:3

Me sa enn ki kontan Bondye, Bondye i konn li.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Efezyen 2:20

Zot osi, zot form parti sa konstriksyon ki annan bann zapot ek bann profet pour fondasyon, avek Zezi-Kri li menm koman premye pyer.

Efezyen 3:15

kot ki tou fanmir dan lesyel e lo later zot tir zot non.

Efezyen 4:30

Pa rann tris Lespri Sen ki Bondye in donn nou. Li menm garanti ki zour kan Bondye ava vin delivre nou konpletman pou vini.

1 Timote 3:15

An tou ka, si mon tarde, ou ava konnen ki mannyer fodre konport ou dan lafanmir Bondye, savedir dan Legliz Bondye ki vivan, ki soutenir e protez laverite.

1 Timote 6:19

Alor, zot ava anmas en bon trezor solid pour lavenir, ki ava fer zot ganny vre lavi.

Ebre 11:10

Annefe, Abrahanm ti pe esper sa lavil ki annan fondasyon solid, sa enn ki Bondye i li menm arsitek e konstrikter.

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

1 Zan 2:19

Sa bann dimoun in sorti kot nou, me zot pa ti vreman avek nou. Annefe, si zot ti avek nou, zot ti ava'n reste avek nou. Me zot in ale e konmsa, zot in montre ki zot pa ti avek nou.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

Revelasyon 21:14

Miray sa lavil ti annan 12 ros fondasyon, e lo sak ros, ti'n ekri non bann 12 zapot Zenn Mouton.

Revelasyon 22:4

Zot pou war son vizaz e son non pou ganny enskri lo zot fron.

Revelasyon 3:8

Mon konn ou bann aktivite. La mon'n plas devan ou en laport ouver ki personn pa kapab fermen. Ou napa bokou lafors, e pourtan, ou'n obei mon parol e ou pa'n renye mon non.