2 Timote 2:14 - Labib An Kreol Seselwa

¹⁴ Ou devre rapel zot tousala. Averti zot devan Bondye ki zot devre evite diskit lo bann mo: Sa bann diskisyon pa servi dan nanryen, me zis pour detri sa enn ki ekoute.

2 Timote 2:14 ပူးပေါင်းရင်းမြစ်များ

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 23:36

Fodre pa ki lepep i koz lo fardo ki SENYER in met lo nou, akoz parol SENYER i zanmen en fardo. Si ou koz konmsa, ou pe detourn Parol Bondye ki vivan, SENYER liniver, nou Bondye.

Zeremi 7:8

Me zot, zot met zot konfyans dan bann parol mansonz ki napa valer.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Matye 16:26

Ki pou profit en dimoun, si i ganny lemonn antye, me i perdi son lavi? Oubyen ki i kapab donnen an lesanz pour son lavi?

Akt de Zapot 13:10

I ti dir li, “Ou piti dyab, lennmi tou sa ki byen, ranpli avek riz ek malis! Kan eski ou pou arete fos laverite ek plan Senyer?

Akt de Zapot 15:24

Nou konnen ki i annan serten dimoun ki sorti kot nou, ki'n vin trouble e fatig zot par serten parol. Nou pa ti'n donn sa bann dimoun okenn manda pour fer sa.

Romen 14:1

Akey sa enn ki feb dan lafwa, san kritik son lopinyon.

Galat 1:7

An realite, napa en lot Bonn Nouvel, me i annan dimoun ki pe trouble zot e ki oule sanz Bonn Nouvel Kris.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

2 Tesalonisyen 3:6

Mon bann frer ek ser! Nou donn zot sa lord lo non nou Senyer Zezi-Kri: Evit asosye zot avek bann frer parese ki pa oule travay, e ki pa oule viv dapre lansennyman ki nou'n transmet zot.

1 Timote 1:4

Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 1:6

Serten pa'n swiv sa legzanp e zot in egare dan bann diskisyon bet.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

1 Timote 5:21

Nou demann ou solannelman devan Bondye, devan Zezi-Kri e devan tou bann lanz Bondye: Swiv sa bann regleman san okenn prezize e san fer preferans pour personn.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

2 Timote 1:6

Pour sa rezon, mon rapel ou: Gard vivan sa don ki Bondye ti donn ou kan mon ti enpoz lanmen lo ou.

2 Timote 2:16

Evit bann diskisyon vid ki kontrer avek lafwa. Sa i antrenn dimoun pli lwen avek Bondye.

2 Timote 2:23

Pa partisip dan bann diskisyon ensanse e bet. Parey ou konnen, zot provok lager.

2 Timote 4:1

Mon demann ou solannelman devan Bondye e devan Zezi-Kri ki pou ziz bann vivan ek bann mor; mon demann ou lo non retour Zezi-Kri e lo non son Renny:

Let Pol pour bann Tit 3:1

Rapel zot tou, ki zot bezwen soumet zot avek bann dirizan ek bann lotorite e obei zot; ki zot devre touzour pare pour fer tou sa ki byen.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

2 Pyer 1:13

Mon krwar i mon devwar, tan ki mon ankor vivan, rapel zot sa bann keksoz.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.