2 Timote 2:11 - Labib An Kreol Seselwa

¹¹ Sa parol i sir: Si nou'n mor avek li, avek li, nou pou viv.

2 Timote 2:11 ပူးပေါင်းရင်းမြစ်များ

Levanzil dapre Zan 14:19

Dan ankor en pti pe letan, lemonn pa pou war mwan ankor. Me zot, zot pou war mwan, akoz, mwan, mon vivan, e zot osi, zot pou viv.

Romen 6:5

Annefe, si nou'n ini avek li dan lanmor ki parey pour li, nou pou osi ini avek li dan rezireksyon ki parey pou li.

Romen 6:8

Me si nou'n mor avek Kris, nou krwar ki nou pou osi viv avek li.

2 Korentyen 13:4

I vre ki kan i ti ganny krisifye, i ti dan febles; me aprezan i vivan par pwisans Bondye. Nou osi nou feb akoz nou ini avek li; me pour zot, nou pou viv avek li par pwisans Bondye.

2 Korentyen 4:10

Nou pe touzour anmenn dan nou lekor, soufrans Zezi, pour ki son lavi i ganny osi manifeste dan nou lekor.

1 Tesalonisyen 4:17

Apre, nou ki ankor vivan, nou pou ganny anleve e rasanble ansanm avek zot dan nyaz, pour rankontre Senyer dan lezer. Konmsa, nou pou touzour avek Senyer.

1 Tesalonisyen 5:10

Kris i'n mor pour nou. Kan i pou retournen, nou pou viv avek li, ki nou vivan oubyen mor.

1 Timote 1:15

Sa parol i vre. I merit ganny aksepte plennman par tou dimoun: Zezi-Kri in vin dan lemonn pour sov bann peser; mwan an premye.

1 Timote 3:1

Sa parol i sir: Si en dimoun i swete ganny plas dirizan dan Legliz, i pe anvi en fonksyon nob.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.