2 Timote 1:7 - Labib An Kreol Seselwa

⁷ Annefe, Bondye pa'n donn ou en lespri lafreyer; o kontrer, en lespri ki ranpli nou avek lafors, lanmour ek disiplin.

2 Timote 1:7 ပူးပေါင်းရင်းမြစ်များ

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Proverb 2:7

I gard an rezerv bann resours pour dimoun ki drwat; i en boukliye pour bann ki viv onnetman.

Proverb 8:14

Mon donn bon konsey ek bon rezonnman. Mon annan bon rezonnman, mon annan lafors.

Ezai 11:2

Lespri SENYER pou repoz lo li, lespri lasazes ek lentelizans, lespri konsey ek lafors, lespri konnesans ek respe pour SENYER.

Mise 3:8

Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

Levanzil dapre Lik 10:19

Mon'n donn zot lotorite pour kraz serpan ek skorpyon e tou pouvwar lo lennmi. Nanryen pa pou kapab fer zot ditor.

Levanzil dapre Lik 15:17

En zour i ti dir dan li menm: Konbyen travayer kot mon papa ki annan plis ki dekwa manze, e mwan, mon pe mor lafen isi!

Levanzil dapre Lik 24:49

Mwan, mon pou anvoy lo zot sa ki mon Papa in promet. Reste dan lavil ziska ki pwisans sorti lao dan lesyel ava desann lo zot.”

Levanzil dapre Lik 8:35

Dimoun ti sorti pour al war sa ki ti'n arive. Zot ti ariv kot Zezi; zot ti war sa zonm ki demon ti'n kite. Abiye, i ti pe asiz kot lipye Zezi; son lespri ti normal. Zot ti per.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Akt de Zapot 26:11

Souvan mon ti fer pini zot dan sinagog e esey obliz zot renye zot lafwa. Mon ti sitan asarnen kont zot, ki mon ti al ziska dan bann lavil etranze pour persekit zot.

Akt de Zapot 26:25

Pol ti reponn, “Son Ekselans! Mon pa fou. Sa bann parol ki mon pe dir i vre e rezonnab.

Akt de Zapot 6:8

Etyenn, en zonm ki ti ranpli avek lagras ek lafors, ti pe fer en kantite siny ek gran mirak parmi lepep.

Akt de Zapot 9:22

Me Sol ti pres avek plis lafors ankor. Bann Zwif ki ti pe reste Damas ti nepli konnen ki repons pour donn li kan i ti montre ki Zezi i li menm Mesi.

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

1 Korentyen 2:4

Mon parol ek mon mesaz pa ti ganny anonse avek bann gran diskour ek lasazes imen, me avek en demonstrasyon pwisans Lespri Bondye.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Kolosyen 1:8

In fer nou konn zot lanmour ki Lespri Sen in donn zot.

Ebre 2:15

I'n delivre bann ki, akoz zot lafreyer lanmor, ti pe viv koman lesklav pandan tou zot lavi.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Zan 4:18

Dan lanmour, napa okenn lafreyer. Lanmour parfe i fer disparet lafreyer, akoz lafreyer i fer mazin pinisyon. Sa enn ki per, son lanmour pa parfe.