2 Timote 1:3 - Labib An Kreol Seselwa

³ Mon remersye Bondye ki mon servi avek en konsyans pir, parey mon bann zanset ti fer. Mon remersye li sak fwa ki mon mazin ou dan mon lapriyer, aswar koman lizour.

2 Timote 1:3 ပူးပေါင်းရင်းမြစ်များ

Levanzil dapre Lik 2:37

I ti'n reste vev. Aze 84 an, i pa ti kit Tanp. I ti kontinyen servi Bondye, lizour koman aswar; i ti zennen e priye.

Akt de Zapot 22:3

“Mwan, mon en Zwif, mon'n ne Tars, an Silisi, me mon'n grandi isi, Zerizalenm. Mon'n ganny koman profeser, Gamalyel ki'n ansenny mwan Lalwa nou bann zanset. Parey zot ozordi, mon ti ranpli avek devouman pour Bondye.

Akt de Zapot 23:1

Pol ti fikse bann manm konsey. I ti dir, “Mon bann frer! Dan mon lavi antye, mon'n viv avek en konsyans trankil devan Bondye, ziska ozordi.”

Akt de Zapot 24:14

Sepandan, la mon rekonnet devan ou, ki mon servi Bondye nou bann zanset, an swivan sa Nouvo Semen ki zot, zot dir i fo. Me mon krwar dan tou sa ki'n ekri dan Lalwa ek bann Profet.

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

Akt de Zapot 26:4

Tou bann Zwif i konn mon lavi depi mon lazenes. Zot konnen koman mon'n viv parmi mon pep e dan Zerizalenm.

Akt de Zapot 27:23

Annefe, pandan lannwit, en lanz mon Bondye ki mon servi ti apros mwan.

Romen 9:1

Ini avek Kris, mon pe dir laverite; mon pa pe koz manti. Mon konsyans, gide par Lespri Sen i rann temwannyaz avek mwan.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Galat 1:14

Mon ti progres pli vit dan larelizyon Zwif ki bokou dan mon laz. Mon ti annan bokou plis devouman pour bann tradisyon mon bann zanset, ki lezot Zwif.

Efezyen 1:16

mon pa zanmen aret remersye Bondye lo zot size. Mon mazin zot dan mon lapriyer.

1 Tesalonisyen 3:10

Nou sipliy li aswar koman lizour, pour permet nou revwar zot fas a fas e konplet sa ki manke dan zot lafwa.

1 Timote 1:19

avek lafwa ek en konsyans trankil. Serten pa'n ekout zot konsyans; zot in arive ziska perdi lafwa.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

1 Timote 5:5

En fanm ki vreman viv koman en vev, ki'n reste tousel, i'n met son lespwar dan Bondye. I pa arete priy Bondye, lizour koman aswar, pour demann li son led.

2 Timote 1:5

Mon rapel ou lafwa senser, sa lafwa ki ou gran manman Lois ek ou manman Enis ti posede avan ou, e ki aprezan, mon sir, ou osi, ou posede.

2 Timote 3:15

Annefe, depi ou lanfans, ou konn Lekritir sent, ki kapab donn ou lasazes ki kondwir ver lavi eternel, par lafwa dan Zezi-Kri.

Ebre 13:8

Zezi-Kri i reste parey, yer, ozordi, demen e pour touzour.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.