2 Timote 1:16 - Labib An Kreol Seselwa

¹⁶ Mon demann Bondye montre son labonte pour lafanmir Onezifor akoz i'n souvan rekonfort mwan. I pa'n onte akoz mon dan prizon.

2 Timote 1:16 ပူးပေါင်းရင်းမြစ်များ

2 Samyel 2:6

Aprezan, SENYER ava montre son bonte ek son fidelite anver zot! Mwan osi mon pou fer zot dibyen, akoz zot in byen azir.

Nehemi 13:14

Mon Bondye! Mazin mwan, akoz sa. Pa efas bann bon aksyon ki mon'n fer avek fidelite pour tanp mon Bondye e pour son servis.

Nehemi 13:22

Mon ti osi demann bann levit pour pirifye zot, pour vin vey bann laport pour fer sir ki saba i reste en zour sakre. Pour sa osi, mon Bondye, mazin mwan e protez mwan dan ou gran fidelite!

Nehemi 13:31

Mon ti osi retabli bann lofrann dibwa, dan lepok fikse, ensi ki bann premye fri. Mazin mwan, mon Bondye e azir dan mon faver!

Nehemi 5:19

“Mon Bondye! Pa oubliy mwan. Mazin tou sa ki mon'n fer pour sa pep.”

Psonm 18:25

Ou fidel anver sa enn ki fidel. Ou bon anver sa enn ki bon.

Psonm 37:26

Tou le zour i montre zenerozite e i prete; son bann zanfan i en benediksyon.

Zeremi 39:17

Me ler sa zour maler pou arive, mon pou delivre ou. Mon pa pou les ou tonm dan lanmen sa bann dimoun ki ou per.

Matye 25:17

Sa enn ki ti ganny de talan ti fer parey e i ti ganny ankor de lezot talan.

Matye 5:7

Byennere bann ki annan konpasyon pour lezot, akoz Bondye pou annan konpasyon pour zot!

Akt de Zapot 21:33

Alor komandan ti apros Pol e fer aret li. I ti donn lord pour atas li avek de lasenn. Apre, i ti demande lekel li e ki i ti'n fer.

Akt de Zapot 28:20

Pour sa rezon ki mon'n demann pour war zot e koz avek zot. Se akoz lespwar pep Izrael ki mon dan sa lasenn.”

1 Korentyen 16:18

Annefe, zot in trankiliz mon lespri. Alor, mon demann zot, montre zot rekonesan anver bann dimoun parey.

Efezyen 6:20

Menm si mon prizonnyen, mon en anbasader Bonn Nouvel. Priye pour ki mon ava kapab koz avek lasirans ki fodre.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

2 Timote 1:17

O kontrer, kan i ti ariv Ronm, i ti rod mwan avek enpasyans, ziska ki i ti trouv mwan.

2 Timote 1:18

Mon demande ki zour zizman, Senyer ava akord li konpasyon ki sorti kot Bondye. Ou osi konnen, sa kantite servis ki i'n rann mwan kan mon ti Efez.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

2 Timote 4:19

Fer salanm Prisil ek Akila, osi lafanmir Onezifor.

Filemon 1:20

Wi, mon frer! Pour lanmour Senyer, akord mwan sa faver. Koman en frer dan Kris, met en pe lazwa dan mon leker.

Filemon 1:7

Ou lanmour, mon frer, in donn mwan bokou lazwa ek lankourazman, akoz ou'n rekonfort leker tou bann krwayan.

Ebre 10:34

Zot ti annan konpasyon pour bann prizonnyen; kan zot byen ti ganny sezi, zot ti aksepte sa avek lazwa, akoz zot ti konnen ki zot ti posed bann byen bokou meyer ki dire pour touzour.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Rit 1:8

Selman Naomi ti dir avek son de belfiy, “Ale, zot tou le de, retourn dan lakour kot zot manman. Mon swete ki SENYER i montre son bonte anver zot parey zot in bon anver sa ki'n mor e anver mwan.