2 Samyel 7:7 - Labib An Kreol Seselwa

⁷ Partou, mon'n akonpanny pep Izrael. Eski mon'n deza demann okenn sef bann tribi Izrael ki mon'n swazir pour vey lo mon pep Izrael: Akoz ou pa'n konstri en lakaz an bwa sed pour mwan?

2 Samyel 7:7 ပူးပေါင်းရင်းမြစ်များ

2 Samyel 5:2

Lontan, ler Sail ti nou lerwa, ou ki ti diriz tou bann ekspedisyon militer. SENYER ti dir avek ou, Ou pou gouvern mon pep Izrael, e ou pou vin sef pep Izrael.”

1 Kronik 11:2

Dan lepase, menm kan Sail ki ti lerwa, ou ki ti nou sef e ki ti diriz Izrael dan lager e retourn avek zot. SENYER ou Bondye ti dir ou: Se ou ki berze mon pep, Izrael; e ou ava vin sef mon pep, Izrael.

1 Kronik 17:6

Partou kot mon'n pase avek pep Izrael antye, eski mon'n deza dir en parol lo sa size bann ziz Izrael avek ki mon ti'n donn lord pour diriz mon pep? Eski mon'n deza dir: Akoz ou pa'n konstri en lakaz an sed pour mwan?

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.

Zeremi 3:15

Mon pou donn ou bann sef ki ava vey lo ou e ki obei mwan. Zot ava diriz ou avek lasazes ek disernman.

Ezekyel 34:15

Mwan menm ki pou vin berze mon troupo. Mwan menm ki pou fer zot repoze. Mwan Senyer BONDYE ki deklare.

Ezekyel 34:2

Ou ki en imen, pronons mon parol kont bann berze Izrael. La sa ki Senyer BONDYE i deklare: Maler lo zot, bann berze Izrael, ki pran ka zis avek zot prop lekor! Eski bann berze pa devre pe okip zot bann mouton?

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Akt de Zapot 21:28

Zot ti kriye, “Pep Izrael, osekour! La i la, sa zonm ki pe prese partou avek tou dimoun kont pep Izrael, kont Lalwa Moiz e kont nou Tanp. Aprezan i'n menm anmenn bann Grek dan Tanp e fer sa landrwa sen vin enpir.”

Deterononm 23:14

Akoz SENYER, ou Bondye i avek ou dan kan pour li protez ou e donn ou laviktwar lo ou bann lennmi, ou kan i devret en landrwa sen, pour ki SENYER pa war nanryen ki fer onte parmi zot e vir son ledo kont ou.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.