2 Samyel 7:6 - Labib An Kreol Seselwa

⁶ Mon pa'n reste dan en lakaz depi zour ki mon ti fer pep Izrael sorti dan Lezip ziska ozordi, me mon'n deplas mwan touzour anba en latant.

2 Samyel 7:6 ပူးပေါင်းရင်းမြစ်များ

2 Samyel 11:11

Iri ti reponn David, “Kof SENYER, larme Izrael ek Zida pe reste anba bann latant, Zoab mon met pe kanpe dan lakanpanny avek son bann zonm. Ki mannyer mwan, mon ava al se mwan pour manze e bwar, e dormi avek mon fanm? Lo ou lavi, mon pa pou zanmen fer en keksoz parey.”

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

Akt de Zapot 7:44

Nou bann zanset ti annan Latant Temwannyaz avek zot dan dezer. Sa Latant ti'n ganny fer egzakteman parey Bondye ti'n ordonn Moiz. Annefe, Bondye ti'n dir Moiz reprodwir sa model ki i ti'n war.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Deterononm 23:14

Akoz SENYER, ou Bondye i avek ou dan kan pour li protez ou e donn ou laviktwar lo ou bann lennmi, ou kan i devret en landrwa sen, pour ki SENYER pa war nanryen ki fer onte parmi zot e vir son ledo kont ou.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Revelasyon 2:1

Ekri Lanz Legliz dan Efez: La sa ki sa enn ki tenir sa set zetwal dan son lanmen drwat e ki mars parmi sa set portlanp annor i deklare:

Ziz 20:27

Bann Izraelit ti al konsilte SENYER. Annefe, dan sa letan, Kof Lalyans ti dan sa landrwa.