2 Samyel 7:3 - Labib An Kreol Seselwa

³ Natan ti reponn lerwa, “Ale, fer sa ki ou annan dan ou lespri. SENYER ava avek ou.”

2 Samyel 7:3 ပူးပေါင်းရင်းမြစ်များ

2 Samyel 7:4

Sa menm swar, SENYER ti koz avek Natan:

1 Rwa 1:8

Me pret Sadok ek Benaya, garson Yoyada, profet Natan, Simei ek Rei, ek tou bann gerye David, pa ti siport Adoniya.

2 Rwa 4:27

Kan i ti ariv lo montanny kot profet Bondye, i ti sezi son lipye. Gehazi ti vini pour anpes li. Me Elize ti dir, “Les li trankil, akoz i dan en gran sagren ki SENYER in kasyet avek mwan; i pa'n revel avek mwan.”

1 Kronik 22:7

I ti dir li: Mon garson, mon ti annan lentansyon konstri en lakaz konsakre pour SENYER, mon Bondye.

1 Kronik 28:2

Lerwa David ti leve. I ti dir zot: Mon bann frer! Mon pep! Ekout mwan! Mon ti'n mazinen konstri en tanp, en landrwa repo pour Kof Lalyans SENYER, kot nou Bondye pou repoz son lipye. Mon'n deza fer preparasyon pour konmans konstriksyon.

1 Kronik 29:29

Bann aksyon lerwa David e tou sa ki i'n fer, depi premye ziska dernyen, in ganny ekri dan bann liv Aksyon profet Samyel, Aksyon profet Natan e Aksyon profet Gad.

2 Kronik 29:25

Ezekyas ti plas bann levit dan tanp SENYER avek bann lenstriman lanmizik: Senbal, laarp ek lir. I ti swiv lareg ki David ek Gad, profet lerwa ek profet Natan, ti etabli dapre lord SENYER atraver son bann profet.

Psonm 20:4

I ava akord ou sa ki ou leker i dezire e realiz tou ou bann plan.

Psonm 37:4

Pran pli gran plezir dan SENYER. I ava donn ou, tou sa ki ou leker i dezir.

1 Zan 2:27

Kanta zot, Lespri ki zot in resevwar avek Kris, i reste dan zot e zot pa bezwen personn pour ansenny zot. Me son Lespri i ansenny zot tou keksoz. I pe ansenny zot tou sa ki vre, pa sa ki mansonz. Alor, parey Lespri in ansenny zot: Reste ini avek Kris.

1 Samyel 10:7

Ler sa bann siny ava'n realize, ou ava fer sa ki ou devre fer akoz Bondye i avek ou.

1 Samyel 14:7

Son porter zarm ti dir li, “Pa ezite fer sa ki ou annan lide fer. Mon avek ou, konmsi ou leker.”

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”