2 Samyel 7:16 - Labib An Kreol Seselwa

¹⁶ Ou desandans avek ou rwayonm pour reste pour touzour; mon pou etabli ou tronn pour touzour.

2 Samyel 7:16 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

2 Samyel 22:51

SENYER i donn son lerwa bokou laviktwar. I montre son fidelite pour sa enn ki i'n konsakre, pour David ek son desandans pour touzour.

2 Samyel 7:13

Li menm ki pou konstri en lakaz an mon non, e mon pou etabli son tronn rwayal pour touzour.

2 Samyel 7:17

Natan ti raport avek David tou sa bann parol avek sa vizyon.

1 Rwa 2:4

Alor, SENYER ava realiz son promes anver mwan, ler i ti dir: Si ou desandan i fer atansyon dan son konportman, e mars devan mwan lwayalman e avek fidelite, avek tou son leker, ou pa pou zanmen mank sikseser lo tronn Izrael.

1 Rwa 9:5

mon ava etabli ou tronn rwayal dan Izrael pour touzour, parey mon ti deklare avek ou papa David ler mon ti dir: Ou pa pou zanmen mank en sikseser lo tronn Izrael.

2 Rwa 19:34

Mon pou defann sa lavil pour mwan sov li, pour mon prop loner, e akoz mon serviter David.

2 Rwa 8:19

Me SENYER pa ti oule detri Zida akoz son serviter David, avek ki i ti'n promet ki son desandans pou touzour rennyen apre li.

2 Kronik 6:16

Aprezan, SENYER, Bondye pep Izrael, mon sipliy ou, gard osi sa promes ki ou ti fer avek mon papa, ou serviter David ler ou ti dir li: I pou touzour annan enn dan ou desandans ki pou asiz lo ou tronn koman lerwa pep Izrael, si zot konport zot byen e viv dapre mon komannman parey ou menm ou'n fer.

Liv Zob 36:7

I pa detourn son regar lo bann zis. I onor zot e tret zot pour touzour parey bann lerwa lo zot tronn.

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

Psonm 72:5

Fer li viv ziska lafen lemonn, osi lontan ki lalin ek soley i briye.

Psonm 89:4

Mon pou veye ki ou ava touzour annan enn ou desandan lo tronn.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 17:25

alor, bann lerwa e zot bann zofisye pou antre par bann laport lavil, asiz lo tronn David. Zot ava antre la dan kales e lo seval. Pep Zida ek zabitan Zerizalenm ava akonpanny zot e pou touzour annan zabitan dan sa lavil.

Zeremi 33:17

Annefe, la sa ki SENYER i deklare: Pou touzour annan en desandan David koman lerwa pep Izrael.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Levanzil dapre Zan 12:34

Lafoul dimoun ti reponn li, “Nou'n aprann dan Lalwa ki Mesi pou viv pour touzour. Alor, ki mannyer ou kapab dir fodre ki Fis-de-Lonm i ganny eleve? Lekel sa Fis-de-Lonm?”

Ebre 1:8

Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

1 Samyel 25:28

Aprezan, pardonn mwan mon fot. Mon sir ki SENYER pou fer ou fanmir renny pour touzour, akoz ou pe fer lager pour SENYER. Mon swete ki personn pa trouv okenn defo dan ou pandan tou ou lavi.