2 Samyel 7:12 - Labib An Kreol Seselwa

¹² Alafen ou lavi, apre ou lanmor, mon pou swazir enn ou prop zanfan pour ranplas ou, e mon pou konsolid son renny.

2 Samyel 7:12 ပူးပေါင်းရင်းမြစ်များ

Zenez 15:4

SENYER ti dir li, “Pa sa zonm ki pou vin ou zeritye, me sa enn ki pou sorti avek ou. Se ou prop garson ki pou vin ou zeritye.”

2 Samyel 22:51

SENYER i donn son lerwa bokou laviktwar. I montre son fidelite pour sa enn ki i'n konsakre, pour David ek son desandans pour touzour.

1 Rwa 1:21

Sinon, de ki mon senyer lerwa pou mor, mon garson Salomon ek mwan menm, nou pou ganny trete koman bann koupab.”

1 Rwa 1:48

I ti dir: Mon rann glwar SENYER, Bondye pep Izrael ki'n permet mwan ozordi, war enn mon zanfan asiz lo mon tronn.”

1 Rwa 2:1

Kan David ti santi ki i pros pour mor, i ti donn sa bann lord son garson Salomon:

1 Rwa 2:10

David ti mor e i ti ganny antere dan lavil David.

1 Rwa 2:4

Alor, SENYER ava realiz son promes anver mwan, ler i ti dir: Si ou desandan i fer atansyon dan son konportman, e mars devan mwan lwayalman e avek fidelite, avek tou son leker, ou pa pou zanmen mank sikseser lo tronn Izrael.

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

1 Rwa 8:15

I ti dir: Loue SENYER, Bondye pep Izrael, ki ti koz avek mon papa David par son prop labous, e ki par son pwisans, in akonpli tou sa ki i'n dir:

1 Rwa 8:19

Me, pa ou ki pou konstri sa lakaz, me ou garson. Se ou prop garson ki'n sorti avek ou, ki pou konstri en lakaz pour mwan.

1 Rwa 8:20

Aprezan, SENYER in realiz son promes ki i ti fer: Akoz mon'n pran plas mon papa David, e asiz lo tronn Izrael parey SENYER in promet e mon'n konstri lakaz konsakre pour SENYER, Bondye pep Izrael.

1 Rwa 9:5

mon ava etabli ou tronn rwayal dan Izrael pour touzour, parey mon ti deklare avek ou papa David ler mon ti dir: Ou pa pou zanmen mank en sikseser lo tronn Izrael.

2 Rwa 8:19

Me SENYER pa ti oule detri Zida akoz son serviter David, avek ki i ti'n promet ki son desandans pou touzour rennyen apre li.

1 Kronik 17:11

Zour ou lanmor i arive, mon pou swazir enn parmi ou prop garson pour ranplas ou koman lerwa e mon pou konsolid son rwayonm.

2 Kronik 1:9

Aprezan, SENYER Bondye, akonpli ou promes ki ou'n fer avek mon papa David. Ou menm ki'n etabli mwan koman lerwa lo en pep ki osi nonbre ki lapousyer later.

2 Kronik 13:5

Zot pa konnen ki SENYER, Bondye Izrael, in donn David ek son desandans pour touzour, tronn Izrael atraver en lalyans ki personn pa kapab kase?

2 Kronik 21:7

Pourtan, SENYER pa ti oule detri fanmir David, akoz lalyans ki i ti'n fer avek li. Annefe, i ti'n promet ki i pou touzour annan enn parmi son desandan koman lerwa dan son plas, lo tronn Izrael.

2 Kronik 23:3

Zot ti rasanble dan tanp kot zot ti fer en lalyans avek lerwa. Yoyada ti dir zot, “La mon prezant zot garson lerwa. I ava rennyen koman lerwa dapre promes ki SENYER ti fer konsernan desandans David.

2 Kronik 6:15

Ou'n gard ou promes anver mon papa, ou serviter David; ozordi ou akonpli li par ou lanmen.

2 Kronik 6:9

Pa ou ki pou konstri mon Tanp, me ou garson. Ou prop garson pou fer konstri mon tanp, ki pou port mon non.

Psonm 89:29

Mon pou etabli son desandans pour touzour; e son tronn pou dire osi lontan ki lesyel i egziste.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 33:17

Annefe, la sa ki SENYER i deklare: Pou touzour annan en desandan David koman lerwa pep Izrael.

Danyel 12:2

Bokou parmi bann ki pe dormi dan lapousyer later, pou leve: Serten pour lavi eternel; lezot pour laont e pour maler eternel.

Matye 1:1

Sa i lalis bann zanset Zezi-Kri, desandan David, ki ti li menm en desandan Abrahanm:

Levanzil dapre Lik 1:32

I pou gran e i pou ganny apele Garson Bondye Treo. Bondye pou donn li tronn son papa, David.

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Akt de Zapot 13:36

Annefe, David ti akonpli plan Bondye dan son zenerasyon. Apre, i ti mor e ganny antere avek son bann zanset, e son lekor in pouri.

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.

1 Korentyen 15:51

La mon revel zot en sekre. Pa nou tou ki pou mor, me nou tou, nou pou ganny transformen,

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

1 Tesalonisyen 4:14

Annefe, nou krwar ki Zezi in mor e in resisite. Nou osi krwar ki Bondye pou anmenn avek Zezi, tou bann ki'n mor an krwayan dan li.