2 Samyel 5:7 - Labib An Kreol Seselwa

⁷ Me David ti kaptir fortres Siyon, ki ti apel lavil David.

2 Samyel 5:7 ပူးပေါင်းရင်းမြစ်များ

2 Samyel 5:8

Sa zour, David ti dir, “Sa ki pou bat bann Zebizit ava bezwen mont par rigol delo e atak bann ki bwete ek bann aveg, bann ki David pa kontan.” Pour sa rezon ki zot dir: Bann aveg ek bann ki i bwete pa pou antre dan pale.

2 Samyel 5:9

David ti reste dan fortres ki i ti apel lavil David. David ti konstri lavil tou otour depi Milo e ver lenteryer.

2 Samyel 6:10

Alor, David ti deside pour pa anmenn Kof SENYER se li, dan lavil David; i ti prefere anmenn li dan lakaz Obed-Edonm, en Gatit.

2 Samyel 6:12

Zot ti rakont tousala lerwa David, “SENYER in beni fanmir Obed ek tou sa ki i posede, akoz Kof Bondye.” Alor, David ti al sers Kof SENYER kot Obed-Edonm, e anmenn li dan lavil David avek en gran selebrasyon.

2 Samyel 6:16

Letan Kof SENYER ti pe rantre dan lavil David, Mikal, fiy Sail, ti pe get par lafnet. I ti war lerwa David pe sote e danse devan SENYER. I ti ganny degout pour li dan son leker.

1 Rwa 2:10

David ti mor e i ti ganny antere dan lavil David.

1 Rwa 3:1

Salomon ti etabli bon relasyon avek lerwa Lezip, e i ti marye avek enn son fiy. Letan i ti pe konstri son prop pale, tanp SENYER ek miray otour Zerizalenm, i ti anmenn son fanm viv dan lavil David.

1 Rwa 8:1

Alor, lerwa Salomon ti fer rasanble devan li dan Zerizalenm tou bann ansyen dan Izrael, tou bann sef tribi, bann sef fanmir pep Izrael pour fer monte Kof lalyans SENYER, sorti dan lavil David, setadir Siyon.

1 Rwa 9:24

Fiy Faraon ti kit lavil David e al dan son prop pale ki Salomon ti konstri pour li. Apre, Salomon ti konstri lavarang ki ti apel Milo.

1 Kronik 11:7

David ti reste dan fortifikasyon; alor, lavil ti ganny apele lavil David.

2 Kronik 24:16

I ti ganny antere dan tonbo rwayal, dan lavil David, akoz i ti'n fer bokou dibyen pour Izrael ek tanp SENYER.

2 Kronik 5:2

Apre, Salomon ti rasanble otour li dan Zerizalenm, tou bann ansyen parmi pep Izrael, tou sef bann tribi, sef bann fanmir Izraelit, pour fer monte Kof Lalyans SENYER, sorti dan lavil David, setadir Siyon.

Nehemi 3:15

Saloum, garson Kol-Hoze, sef distrik Mispa, ti travay lo Laport Sours. I ti konstri e kouver li e poz bann batan, bann verou, ek bann bar. I ti osi fer miray basen Sela ki pre avek zarden lerwa, ziska bann mars ki desann depi lavil David.

Psonm 132:13

Annefe, SENYER in swazir Zerizalenm koman sa landrwa kot i anvi reste.

Psonm 2:6

Mwan ki'n etabli mon lerwa lo Siyon, mon montanny sen.

Psonm 48:12

Fer letour miray Zerizalenm e kont son bann tour defans.

Psonm 48:3

Bondye ki asir sekirite dan lavil i en fortres.

Psonm 51:18

Fer sa ki bon pour Siyon. Rekonstri bann miray Zerizalenm.

Psonm 87:2

SENYER i kontan lavil Siyon plis ki tou lezot lavil dan Izrael.

Psonm 9:11

Sant pour SENYER ki renny dan Zerizalenm! Rakont son bann mervey parmi bann pep!

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 59:20

SENYER i deklare: I pou antre dan Siyon koman Sover pour bann ki sorti kot Zakob ki'n aret revolte.

Zeremi 21:13

Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.