2 Samyel 5:3 - Labib An Kreol Seselwa

³ Kan tou bann ansyen dan pep Izrael ti'n vin Hebron kot lerwa David, lerwa ti fer en lalyans avek zot devan SENYER e zot ti vers delwil lo latet David koman lerwa pep Izrael antye.

2 Samyel 5:3 ပူးပေါင်းရင်းမြစ်များ

2 Samyel 2:4

Bann zabitan Zida ti vin kot David; zot ti konsakre li pour fer li lerwa pep Zida. David ti ganny nouvel ki bann zabitan Yabes dan Galaad ti'n anter Sail.

2 Samyel 2:7

Alor, pran kouraz, azir koman bann zonm brav; zot met, Sail, in mor, e bann zabitan Zida in konsakre mwan koman zot lerwa.”

2 Samyel 3:21

Abner ti dir David, “Mon pe al rasanble pep Izrael antye anba ou lotorite, mon senyer lerwa. Zot ava fer en lalyans avek ou e ou ava renny lo zot tou, parey ou ti anvi.” David ti les Abner al anpe.

1 Rwa 1:34

La, pret Sadok ek profet Natan ava donn li lonksyon pour li vin lerwa pep Izrael. Zot ava soufle tronpet e kriye: Viv lerwa Salomon!

2 Rwa 11:17

Yoyada ti fer en lalyans ant SENYER, lerwa ek lepep, pour ki lepep i vin pep SENYER; e osi ant lerwa ek lepep.

1 Kronik 11:1

Alor, Izrael antye ti rasanble Hebron devan David. Zot ti dir: Nou ou lezo ek ou disan.

1 Kronik 11:3

Alor, tou bann ansyen dan Izrael ti vin Hebron kot lerwa e David ti fer en lalyans avek zot la, Hebron, devan SENYER e zot ti konsakre David koman lerwa Izrael, dapre parol SENYER atraver Samyel.

1 Kronik 28:4

Pourtan, SENYER, Bondye Izrael in swazir mwan parmi tou mon fanmir pour vin lerwa Izrael, pour touzour. Annefe, i'n swazir Zida koman sef e i'n swazir mon fanmir dan tribi Zida, e parmi bann zanfan mon papa, i'n pran plezir fer mwan vin lerwa lo tou Izrael.

2 Kronik 23:16

Pret Yoyada ti etabli en lalyans ant lepep, lerwa ek li menm, pour ki zot vin pep SENYER.

Nehemi 9:38

Akoz tousala, nou ti fer en lalyans ki nou ti met par ekri. Non nou bann sef, bann levit, ek bann pret, in ganny enskri lo sa dokiman ki ti ganny sele.

Egzod 3:16

Ale, e rasanble bann ansyen parmi pep Izrael e dir zot: SENYER, Bondye zot zanset, Bondye Abrahanm, Izaak ek Zakob in aparet avek mwan. I ti dir: Mon pe entervenir dan zot faver, akoz mon'n war tou sa ki pe arive avek zot, Lezip.

Zozye 10:36

Zozye avek tou bann Izraelit ti monte depi Eglonn ziska Hebron ki zot ti atake.

Ziz 11:11

Konmsa ki Zefte ti al avek bann ansyen sorti Galaad. Lepep ti pran li koman zot sef e zot komandan. Zefte ti repet tou sa bann parol devan SENYER, dan Mispa.

1 Samyel 11:15

Alor, tou dimoun ti al Gilgal. La, zot ti proklanm Sail lerwa devan SENYER. Zot ti ofer sakrifis lape devan SENYER; la, Sail ek tou bann Izraelit ti fer en gran lafet.

1 Samyel 16:13

Samyel ti pran sa korn delwil e vers lo son latet parmi tou son bann frer. Apartir sa zour, lespri SENYER ti desann lo David. Samyel ti retourn Rama.

1 Samyel 23:18

Tou le de ti fer en lalyans devan SENYER. David ti reste Horsa e Zonatan ti retourn se li.