2 Samyel 4:1 - Labib An Kreol Seselwa

¹ Kan Isboset, garson Sail ti tande ki Abner in mor Hebron, i ti dekouraze, e pep Izrael antye ti trakase.

2 Samyel 4:1 ပူးပေါင်းရင်းမြစ်များ

2 Samyel 17:2

Mon ava profite letan i ankor fatige, e dekouraze, pour mwan fer li tranble, e fer lepep ki avek li sove. Alor mon ava touy zis lerwa tousel.

2 Samyel 2:8

Sepandan, Abner, garson Ner, komandan larme Sail, ti pran Isboset, garson Sail, e anmenn li Mahanaim.

2 Samyel 3:27

Ler Abner ti arive sorti Hebron, Zoab ti anmenn li alekar, anndan baro lavil, pour koz an prive avek li. Pour vanz lanmor son frer Asael, Zoab ti pik Abner dan son vant, e i ti mor.

Esdras 4:4

Alor, bann zabitan sa pei ti dekouraz pep Zida e fer zot per pour anpes zot konstri tanp.

Nehemi 6:9

Zot tou, zot ti oule fer nou per; zot ti dir antre zot: Zot ava dekouraze e travay pa pou kontinyen. Alor! Bondye! Donn mwan kouraz.

Ezai 13:7

Pour sa rezon, tou lebra pou tonbe, tou dimoun pou tonm dan dekourazman.

Ezai 35:3

Redonn lafors bann lanmen ki fatige; rann solid bann zenou ki pe tranble.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Sofoni 3:16

Sa zour, zot pou dir Zerizalenm: Lavil Siyon! Pa per. Pa dekouraze!