2 Samyel 22:7 - Labib An Kreol Seselwa

⁷ Dan mon detres, mon envok SENYER, mon envok mon Bondye: Depi son tanp i antann mwan, mon bann apel osekour ti ariv dan son zorey.

2 Samyel 22:7 ပူးပေါင်းရင်းမြစ်များ

Psonm 107:6

Dan zot detres, zot ti kriy ver SENYER e i ti delivre zot dan zot langwas.

Psonm 116:4

Alor, mon ti kriy non SENYER: Pitye SENYER! Sov mwan.

Psonm 120:1

Dan mon detres, mon ti kriy ver SENYER e i ti reponn mwan.

Psonm 18:6

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

Psonm 27:4

Mon'n demann SENYER en sel keksoz: Reste dan tanp SENYER tou mon lavi, pour admir labote SENYER e kontanple li dan son tanp.

Psonm 34:6

Kan en malere i kriye, SENYER i antann li. I delivre li dan tou son detres.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Zonas 2:4

Mon ti dir: Mon pe ganny sase devan ou. Koman mon pou war ou tanp sen ankor?

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.

Habakouk 2:20

Me SENYER i prezan dan son tanp sen. Later antye! Fer silans devan li.

Levanzil dapre Lik 22:44

Akoz i ti dan langwas, Zezi ti priy plis ankor; son transpirasyon ti tonm ater parey gro gout disan.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.