2 Samyel 18:9 - Labib An Kreol Seselwa

⁹ Absalon, ki ti pe mont en bourik, ti trouv li anfas bann solda David. Son bourik ti fons anba bann brans en gro pye dibwa. Latet Absalon ti pri dan en brans; tandis ki bourik ti kontinyen son semen, Absalon ti reste anpandan ant lesyel ek later.

2 Samyel 18:9 ပူးပေါင်းရင်းမြစ်များ

2 Samyel 13:29

Bann serviter ti fer avek Amnon, parey Absalon ti'n donn lord. Tou bann garson lerwa ti leve, mont lo zot bourik, e sove.

2 Samyel 14:26

Toulezan, i ti raz son latet, akoz son seve ti vin tro lour. I ti pez de kilo dapre pwa rwayal.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

2 Samyel 18:10

En zonm ki ti'n war sa, ti al dir Zoab, “Mon'n war Absalon anpandan avek en pye dibwa!”

2 Samyel 18:14

Zoab ti dir, “Mon pa pou perdi mon letan avek ou!” I ti pran trwa dart, ki i ti anfons dan leker Absalon ki ti ankor byen vivan anpandan dan pye dibwa.

2 Samyel 18:8

Batay ti fann dan pei antye. Ti annan plis dimoun ki ti perdi zot lavi dan lafore ki dan konba.

Liv Zob 31:3

Dezas pa i tonm lo sa enn ki enzis e problenm lo bann malfeter?

Proverb 20:20

Sa enn ki modi son papa oubyen son manman, son lalanp pou tennyen ler fernwanr i fer.

Proverb 30:17

Lizye ki mepriz en papa, e ki negliz obeir son manman, korbo obor larivyer, pour krev zot, piti en leg pour devor zot.

Zeremi 48:44

Sa enn ki pou esey sov lafreyer, pou tonm dan lafos. Sa enn ki sorti dan lafos, pou ganny pri dan latrap, akoz SENYER in fikse letan ler Moab pour ganny detri.

Matye 27:5

Zida ti zet sa larzan dan Tanp e i ti al pann son lekor.

Mark 7:10

Moiz annefe, ti dir: Onor ou papa ek ou manman. E osi: Sa enn ki koz mal lo son papa, oubyen lo son manman, i devre ganny pini anmor.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 27:16

Malediksyon lo sa enn ki dezonor son papa oubyen son manman. Lepep ava dir: Amenn!

Deterononm 27:20

Malediksyon lo sa enn ki dormi avek fanm son papa, akoz in vyol drwa son papa. Lepep ava dir: Amenn!