2 Samyel 17:16 - Labib An Kreol Seselwa

¹⁶ Aprezan, anvoy deswit en rapor kot David, e dir li pa reste dan laplenn aswar, me al pli lwen posib. Atansyon ki i ekspoz son lavi ek lavi bann dimoun ki avek li.”

2 Samyel 17:16 ပူးပေါင်းရင်းမြစ်များ

2 Samyel 15:14

Alor, David ti dir avek tou son lantouraz ki ti avek li Zerizalenm, “Annou sove, napa okenn fason sape avek Absalon. Depes zot; annou ale, sinon i pa pou tarde pour ariv isi e fer en gro maler tonm lo lavil, e masakre bann zabitan lavil.”

2 Samyel 15:28

Mwan, mon pou reste dan laplenn dezer, ziska ki mon ganny nouvel sorti kot zot.”

2 Samyel 15:35

Ou pou annan pret Sadok ek Abiatar dan ou kote. Ou ava raport avek bann pret Sadok ek Abiatar, tou lenformasyon ki ou ava gannyen dan pale lerwa.

Psonm 35:25

Pa les zot dir ant zot: Nou'n ganny sa ki nou ti pe rode. Pa les zot dir: Nou'n debaras nou avek li!

Psonm 55:8

Mon ti ava depese pour mwan trouv en labri kont divan vyolan e kont move tan.

Psonm 56:2

Dan son lafyerte, mon lennmi pe pourswiv mwan. En kantite zot pe atak mwan. Bondye liniver!

Psonm 57:3

Lao dan lesyel i anvoy son sekour e fer kanmi sa bann ki pourswiv mwan. Bondye pou touzour montre mwan son lanmour ek son fidelite.

1 Korentyen 15:54

Alor, kan sa enn ki devre pouri, ava'n ganny en natir ki pa kapab pouri, e kan sa ki mortel ava'n vin imortel, alor, sa ki Lekritir in deklare, pou ganny akonpli: Lanmor i ganny detri; laviktwar i konplet.

2 Korentyen 5:4

Wi! Osi lontan ki nou pe reste dan sa latant, nou pe zemir, akable. Pa ki nou oule dezabiy nou; nou oule zis pas en lot lenz lo sa enn, pour ki sa ki mortel i ganny absorbe par lavi.

1 Samyel 20:38

Zonatan ti kriy avek li ankor, “Degaze, fer vit, pa arete.” Alor, sa pti garson ti ranmas sa bann fles e retourn kot son met.