2 Samyel 12:9 - Labib An Kreol Seselwa

⁹ Akoz ou'n mepriz parol SENYER, e fer sa ki i pa kontan? Ou'n touy Iri sa Hitit par lepe; ou'n pran son fanm pour fer li vin ou fanm; ou'n aranze pour fer bann Amonit touy Iri par lepe.

2 Samyel 12:9 ပူးပေါင်းရင်းမြစ်များ

1 Samyel 15:19

Akoz ou pa'n ekout lavwa SENYER? Akoz ou'n bezwen tonm lo bann piyaz lager e fer sa ki depler SENYER?”

Amos 2:4

La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.

Zeremi 18:10

Me si sa nasyon i dezobei mwan e i pa ekout mwan, alor, mon pou sanz mon lide lo dibyen ki mon ti pou al fer.

Psonm 90:8

Ou'n met nou bann fot devan ou. Nou bann pese sekre i ganny devwale devan ou lalimyer.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

2 Samyel 11:4

Alor David ti anvoy mesaze al sers li. I ti vini, e David ti dormi avek li. Apre i ti retourn se li. (I ti'n fek fini pirifye li apre son reg.)

Psonm 51:4

Kont ou, kont zis ou ki mon'n fer sa ki mal; devan ou ki mon'n fer sa. Alor, ou annan rezon kan ou pronons ou santans e zizman ki ou rann i zis.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

2 Samyel 12:10

Aprezan, lepe pa pou kit ou fanmir, akoz ou'n mepriz mwan, e ou'n pran fanm Iri, sa Hitit, pour fer li vin ou fanm.

1 Samyel 15:26

Samyel ti dir Sail, “Mon pa pou retourn avek ou akoz ou'n rezet parol SENYER e SENYER i rezet ou: Ou pou nepli lerwa lo Izrael.”

2 Samyel 16:7

La sa ki Simei ti dir pour ensilte David, “Sorti la kriminel! Sorti la voryen!

1 Rwa 15:5

David ti'n fer sa ki byen devan SENYER. Pandan tou son lavi, i pa ti detourn li kont son bann komannman, sof sa ki i ti fer kont Iri, sa Hitit.

1 Rwa 21:19

Dir li: La sa ki SENYER i deklare: La kot lisyen i'n lis disan Nabot, zot pou osi lis ou prop disan.”

Psonm 51:14

Mon Bondye! Sov mon lavi. Mon Bondye! Ou menm mon liberater. Alor, dan lazwa, mon ava proklanm ou delivrans.

Psonm 51:16

Ou pa pran okenn plezir dan sakrifis, menm si mon ofer ou en sakrifis konplet.

Proverb 14:2

Sa enn ki swiv en semen drwat i respekte SENYER. Me sa enn ki pran move semen i mepriz SENYER.