2 Rwa 8:5 - Labib An Kreol Seselwa

⁵ Letan i ti pe rakont lerwa ki mannyer Elize ti redonn lavi dimoun mor, sa fanm ki son garson ti'n reganny lavi ti ariv devan lerwa pour reklanm son lakaz ek son later. Gehazi ti dir, “Mon senyer lerwa! La i la sa fanm e la son garson ki Elize ti redonn lavi.”

2 Rwa 8:5 ပူးပေါင်းရင်းမြစ်များ

1 Rwa 20:1

Benn-Hadad, lerwa Lasiri, ti rasanble son larme; ti annan 32 lerwa ki ti lo son kote; i ti annan osi bann seval ek bann kales lager. I ti monte, anserkle e atak Samari.

2 Rwa 4:12

I ti dir son serviter Gehazi, “Apel sa fanm Sounamit.” Gehazi ti apel li. Sa fanm ti vin prezant li devan Elize

2 Rwa 4:35

I ti desann e ale vini dan lakaz. Apre, i ti remonte e alonz lo sa garson ki ti eterni set fwa e ouver son lizye.

2 Rwa 6:12

Enn parmi son bann zofisye ti reponn, “Personn, mon senyer lerwa. Zis profet Elize dan Izrael, ki kapab repet avek lerwa Izrael, sa ki ou dir dan ou lasanm.”

2 Rwa 6:26

En zour, lerwa Izrael ti pe pase lo miray lavil, ler en fanm ti kriy avek li, “Osekour, mon senyer lerwa!”

2 Rwa 8:6

Lerwa ti poz kestyon sa fanm ki ti rakont li tou. Alor, lerwa ti nonm en zofisye lakour avek ki i ti donn sa lord, “Rann sa fanm tou sa ki ti pour li, avek tou bann reveni ki son bann plantasyon in raporte depi zour i ti kit pei, ziska ozordi.”

Ester 5:14

Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

Proverb 16:9

Leker imen i fer bann plan; me SENYER ki diriz son aksyon.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Rit 2:3

Alor, Rit ti ale e i ti ranmas bann zepi mai ki travayer ti'n kit deryer zot. Zisteman, par sans, i ti'n tonm dan plantasyon ki ti pour Boaz, sa fanmir pros Elimelek.

1 Samyel 26:17

Sail ti rekonnet lavwa David. I ti demande, “David, mon garson! Sa pa ou lavwa?” David ti reponn, “Wi, mon senyer, mon rwa. Mwan sa!”