2 Rwa 8:3 - Labib An Kreol Seselwa

³ Apre sa 7 an, sa fanm ti retournen sorti dan pei bann Filisten. I ti al kot lerwa e reklanm li son lakaz e son later.

2 Rwa 8:3 ပူးပေါင်းရင်းမြစ်များ

2 Samyel 14:4

Sa fanm ki sorti Tekoa ti al koz avek lerwa. I ti tonm avek son figir kont later, prosternen. I ti dir, “Mon rwa! Sekour mwan!”

2 Rwa 4:13

ki ti dir avek son serviter, “Dir li: Akoz ou'n donn ou bokou lapenn pour nou, ki ou ti ava kontan nou fer pour ou? Eski oule ki nou koz pour ou avek lerwa, oubyen avek komandan larme?” I ti reponn, “Mon pa bezwen nanryen.”

2 Rwa 6:26

En zour, lerwa Izrael ti pe pase lo miray lavil, ler en fanm ti kriy avek li, “Osekour, mon senyer lerwa!”

2 Rwa 8:2

Alor, sa fanm ti fer dapre parol ki profet Bondye ti'n dir li: I ti ale avek tou son fanmir e reste pandan 7 an koman en etranze dan pei bann Filisten.

2 Rwa 8:4

Lerwa ti pe koz avek Gehazi serviter Elize. I ti pe dir li, “Rakont mwan sa bann gran keksoz ki Elize in fer.”

2 Rwa 8:6

Lerwa ti poz kestyon sa fanm ki ti rakont li tou. Alor, lerwa ti nonm en zofisye lakour avek ki i ti donn sa lord, “Rann sa fanm tou sa ki ti pour li, avek tou bann reveni ki son bann plantasyon in raporte depi zour i ti kit pei, ziska ozordi.”

Zeremi 22:16

I ti defann drwa bann pov ek bann malere, e tou keksoz ti mars byen. Sa enn ki azir dan sa fason, i montre ki i kontan mwan, SENYER.

Rit 1:7

Alor, i ti kit sa landrwa kot i ti ete avek son de belfiy, pour retourn dan pei Zida.