2 Rwa 7:6 - Labib An Kreol Seselwa

⁶ Annefe, SENYER ti'n fer larme Siriyen antann tapaz kales lager, tapaz bann seval ek tapaz en gran larme e zot ti'n dir antre zot: Lerwa Izrael in pey bann lerwa Hitit ek bann lerwa Ezipsyen pour zot vin atak nou.

2 Rwa 7:6 ပူးပေါင်းရင်းမြစ်များ

2 Samyel 10:6

Ler bann Amonit ti rekonnet ki zot ti'n ofans David en kantite, zot ti angaz 20,000 solda Siriyen sorti Bet-Rehob ek Soba, 1,000 zonm dan larme lerwa Maaka e 12,000 sorti kot bann zabitan Tob.

2 Samyel 5:24

Ler ou ava antann tapaz lepa lao dan pye dibwa, ou ava degaze, akoz SENYER ki pe avans devan ou pour bat larme Filisten.”

1 Rwa 10:29

En kales enporte sorti Lezip ti kout 600 pyes larzan e en seval ti kout 150 pyes larzan. Sa bann marsan ti osi fourni tou bann lerwa Hitit ek bann lerwa Aranm.

1 Rwa 20:20

Sakenn ti touy son zonm, e bann Siriyen ti sove. Izrael ti pourswiv zot, me Benn-Hadad, lerwa Siri, ti sove lo en seval avek bann kales lager.

2 Rwa 19:7

Mon pou met en lespri dan li; i pou antann en rimer e i pou retourn dan son pei. Mon pou fer li mor par lepe dan son prop pei.

2 Rwa 7:5

Alor, zot ti leve granmaten pour al dan kan Siriyen. Me ler zot ti ariv pre avek kan Siriyen, ti napa personn.

Liv Zob 15:21

Tapaz terib i kriye dan son zorey. Dan letan prosperite, voler pou atak li.

Psonm 14:5

Alor, zot pou tranble avek lafreyer, akoz Bondye i lo kote bann ki zis.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 36:9

Ki mannyer ou pou fer rekile en sel sef parmi bann serviter pli enferyer mon met, si ou pe depann lo Lezip pour ou ganny bann kales lager ek kavalye?

Zeremi 46:21

Menm bann mersener byen angrese parey bann toro ti vire e sove san okenn rezistans. Akoz sa zour katastrof ti'n tonm lo zot, zot zour rann kont ti'n arive.

Ezekyel 1:24

Kan zot ti deplase, mon ti antann tapaz zot lezel ki ti parey tapaz gro lanmer, for parey lavwa Bondye Toupwisan. Kan zot ti bouze, ti paret konmsi mouvman en gran larme. Kan zot ti arete, zot ti zis ferm zot lezel.

Ezekyel 10:5

Tapaz lezel bann seriben ti ariv ziska dan lakour eksteryer; i ti resanble lavwa Bondye Toupwisan ler i koze.

Revelasyon 9:9

Lo zot pwatrin ti annan konmsi bann plak feray. Tapaz zot lezel ti konmsi bann kales ki ti pe ganny trennen par plizyer seval ki pe al lager.

Ziz 7:21

Bann zonm ti reste debout dan zot plas otour kan. Tou dimoun dan kan ti konmans taye, kriye e sove.

1 Samyel 14:15

Ti annan lafreyer dan kan, dan zalantour e parmi lepep antye. Bann zonm dan kan ensi ki bann ki ti pe atake, ti tranble avek lafreyer. Later ti tranble; ti annan lafreyer terib.

1 Samyel 26:6

David ti demann avek Ahimelek, en Hitit ek Abisai, garson Zerouya, frer Zoab, “Lekel ki oule desann avek mwan kot Sail dan kan?” Abisai ti reponn, “Mwan, mon ava al avek ou.”