2 Rwa 7:1 - Labib An Kreol Seselwa

¹ Elize ti dir: Ekout parol SENYER: La sa ki SENYER i deklare: “Demen menm ler, devan laport Samari, en mezir lafarin pou vann pour en pyes larzan, e de mezir lorz pou vann pour en pyes larzan.”

2 Rwa 7:1 ပူးပေါင်းရင်းမြစ်များ

1 Rwa 22:19

Alor, Mise ti dir, “Ekout parol SENYER. Mon'n war SENYER pe asiz lo son tronn e larme lesyel antye avek li, dan son kote drwat ek dan son kote gos.

2 Rwa 20:16

Alor, Ezai ti dir Ezekyas, “Ekout parol SENYER:

2 Rwa 4:42

En zonm ti arive sorti Baal-Salisa. I ti pe anmenn kot profet Bondye, dipen fer avek premye rekolt; ti annan 20 dipen lorz ek dible nouvo dan son sak. Elize ti dir, “Donn sa bann zonm e les zot manze.”

2 Rwa 6:25

Lafanmin ti telman terib ler Samari ti ganny anserkle, ki en latet bourik ti vann 80 pyes larzan, en liv lafyant pizon ti kout senk pyes larzan.

2 Rwa 6:33

I ti ankor pe koz avek zot, ler sa mesaze ti ariv kot li. I ti dir li, “Sa maler i sorti kot SENYER! Ki mon kapab ankor espere sorti kot SENYER?”

2 Rwa 7:16

Apre, lepep ti sorti e al fer piyaz dan kan bann Siriyen. Konmsa, parey parol SENYER, en mezir lafarin ti ganny vann pour en pyes larzan e de mezir lorz pour en pyes larzan.

Psonm 46:5

Bondye i dan milye lavil; i pa pou ganny detri. Koman soley i leve, Bondye i la pour protez li.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 16:12

“Mon'n antann bann Izraelit mirmire. Dir zot: Soley kouse, zot pou manz lavyann e demen bomaten, zot pou rasazye dipen. Alor, zot ava konnen ki mwan menm SENYER zot Bondye.”

Egzod 8:23

Mon pou met en balizaz ant mon pep ek ou pep. Sa pou arive demen."

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezekyel 37:4

Apre, i ti dir mwan, “Anons mon parol avek sa bann lezo e dir zot: Lezo sek, ekout parol SENYER.

Levanzil dapre Zan 6:9

“I annan isi en pti garson ki annan senk dipen lorz ek de pwason. Sa pa nanryen ditou pour sa kantite dimoun.”

Zozye 3:5

Alor, Zozye ti dir lepep, “Pirifye zot, akoz demen, SENYER pou fer bann mervey parmi zot.”

Revelasyon 6:6

Mon ti antann sa ki ti resanble en lavwa ki sorti parmi sa kat kreatir vivan dir: En mezir dible pour en zournen lapey; trwa mezir lorz pour en zournen lapey. Me pa koz okenn domaz delwil ek diven!

1 Samyel 11:9

Zot ti dir bann mesaze, ki ti'n vini, “Al dir bann popilasyon Yabes ek Galaad: Demen, avan soley i vin so, zot ava ganny laviktwar.” Kan popilasyon Yabes ti antann bann mesaze dir sa, zot ti rezouir.

1 Samyel 15:1

Samyel ti dir avek Sail, “SENYER ki'n anvoy mwan konsakre ou koman lerwa lo son pep, Izrael. Alor, ekout parol ki SENYER i deklare.