2 Rwa 5:7 - Labib An Kreol Seselwa

⁷ Kan lerwa Izrael ti lir sa let, i ti desir son lenz e dir, “Eski mwan Bondye pour fer dimoun mor e fer zot reviv, pour li demann mwan debaras en zonm avek son lalep? Gete si i pa pe zis rod en problenm avek mwan.”

2 Rwa 5:7 ပူးပေါင်းရင်းမြစ်များ

Zenez 30:2

Zakob ti pran lakoler avek Rasel. I ti dir, “Eski mwan Bondye? Mwan ki anpes ou ganny zanfan?”

Zenez 37:29

Kan Riben ti retourn kot pwi, i pa ti war Zozef. Alor, i ti desir son lenz

Zenez 50:19

Me Zozef ti dir zot, “Pa bezwen per. Eski mon'n pran plas Bondye?

2 Samyel 1:11

David ek son bann zonm ki ti avek li ti desir zot lenz.

1 Rwa 20:7

Lerwa Izrael ti konvok tou bann ansyen dan pei. I ti dir zot, “Zot menm zot war: Sa zonm pe rod problenm; in anvoy pran mon bann fanm ek mon bann zanfan, in anvoy bann mesaze pran mon larzan ek mon lor, e mon pa'n refiz li.”

2 Rwa 11:14

Ler i ti gete, i ti war lerwa debout pre avek kolonn, dapre koutim; bann sef ek bann zwer tronpet ti la akote lerwa. Popilasyon pei antye ti dan lazwa e ti soufle tronpet. Atali ti desir son lenz e kriye: Traizon! Traizon!

2 Rwa 18:37

Alor Elyakim, garson Hilkiya, sef pale, Sebna, sekreter, ek Yoa, garson Asaf, ki ti arsivis, ti vin kot Ezekyas avek zot lenz desire. Zot ti raport bann parol Ed de kan Asiriyen.

2 Rwa 5:6

I ti anmenn sa let kot lerwa Izrael. Sa let ti dir: Kan ou ava ganny sa mesaz ou ava konnen ki mon'n anvoy mon serviter Naaman, pour ou geri son lalep.

Zeremi 36:24

Ni lerwa ni okenn son bann zofisye ki ti'n antann tou sa bann parol pa ti per. Zot pa ti montre okenn siny latristes. Personn pa ti desir son lenz.

Danyel 2:11

Sa ki lerwa pe demande i tro difisil, napa personn ki kapab revel lerwa sa, eksepte bann bondye ki pa reste parmi bann imen.”

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Nonm 14:6

Parmi bann ki ti'n al eksplor pei, Zozye, garson Noun ek Kaleb, Garson Yefoune, ti desir zot lenz.

Matye 26:65

Alor, Gran-Pret ti desir son lenz. I ti dir, “Zot in antann li koz kont Bondye! Nou pa bezwen ankor temwen. Zot in antann son parol blasfenm!

Levanzil dapre Lik 11:54

Zot ti pe rod en fason pour akiz li par son prop parol.

Akt de Zapot 14:14

Me kan sa de zapot ti aprann sa, zot ti desir zot lenz. Zot ti tay parmi lafoul an kriyan,

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

1 Samyel 2:6

SENYER i donn lanmor e i fer reviv; I fer desann dan latonm e fer remonte.