2 Rwa 3:4 - Labib An Kreol Seselwa

⁴ Mesa, lerwa Moab, ti fer elvaz mouton. I ti bezwen pey lerwa Izrael en taks 100,000 zenn mouton mal e 100,000 mouton adilt avek zot lalenn.

2 Rwa 3:4 ပူးပေါင်းရင်းမြစ်များ

Zenez 13:2

Abranm ti en zonm tre ris. I ti annan bokou troupo zannimo, ensi ki larzan ek lor.

2 Samyel 8:2

I ti bat osi bann zabitan Moab ki i ti fer dormi ater, e mezir zot avek en bout lakord. I ti fer touy sak de premye mezir, e les viv trwazyenm. Bann Moabit ti vin anba dominasyon David, e zot ti forse pey taks.

2 Samyel 8:6

I ti etabli solda dan Lasiri dan lavil Damas, e soumet bann Siriyen anba son dominasyon e fer zot pey taks. SENYER ti donn David laviktwar partou kot i pase.

1 Kronik 18:2

I ti bat bann Moabit ki ti vin bann serviter David. Zot ti bezwen pey li taks.

2 Kronik 26:10

I ti konstri tour geter dan dezer e fouy en kantite pwi, akoz i ti annan bokou zannimo dan bann bafon e dan laplenn. I ti anploy labourer pour kiltiv son bann plantasyon, plantasyon rezen e dan bann kolin e dan bann landrwa fertil, akoz i ti kontan kiltiv later.

Liv Zob 1:3

I ti posed 7,000 mouton, 3,000 samo, 1,000 bef, 500 femel bourik. I ti osi annan bokou serviter. Zob ti ganny konsidere koman pli gran personnaz dan pei Les.

Liv Zob 42:12

Dan bann lannen apre, SENYER ti beni Zob ankor plis ki avan. I ti posed 14,000 mouton, 6,000 samo, 2,000 bef, 1,000 femel bourik.

Psonm 60:8

Moab i mon kivet pour mwan bennyen; mon zet mon sandal lo Edonm. Mon proklanm laviktwar lo pei Filisten.