2 Rwa 3:12 - Labib An Kreol Seselwa

¹² Zozafat ti dir, “Parol SENYER i avek li.” Alor, lerwa Izrael, Zozafat ek lerwa Edonm ti desann kot Elize.

2 Rwa 3:12 ပူးပေါင်းရင်းမြစ်များ

2 Rwa 2:21

Elize ti al kot sours delo e zet disel. I ti dir, “La sa ki SENYER i deklare: La mon fer sa delo prop. Personn pa pou mor ni fer fos kous akoz li.”

2 Rwa 3:11

Zozafat ti demande, “Napa okenn profet SENYER isi pour nou kapab konsilte SENYER?” Serviter lerwa Izrael ti reponn, “Elize, garson Safat, ki ti vid delo lo lanmen Eli, i isi.”

2 Rwa 3:13

Elize ti dir lerwa Izrael, “Mon napa nanryen pour fer avek ou. Al konsilte bann profet ou papa ek profet ou manman.” Me lerwa Izrael ti dir li, “Non! SENYER ki'n konvok sa trwa lerwa pour livre zot dan lanmen Moab.”

2 Rwa 5:15

Naaman ti retourn kot profet Bondye, ansanm avek tou son lantouraz. Ler i ti'n arive, i ti debout devan li. I ti dir, “Aprezan, mon konnen ki napa okenn Bondye lo later antye, zis dan Izrael. Mon demann ou aksepte sa kado ki sorti kot ou serviter.”

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Zeremi 37:17

En zour, lerwa Sedesyas ti anvoy sers Zeremi e anmenn li kot li. La, lerwa ti kestyonn li an sekre, “SENYER pa'n donn ou okenn mesaz pour mwan?” Zeremi ti reponn, “Wi, i annan.” I ti azoute, “Ou pou ganny livre dan lanmen lerwa Babilonn.”

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.