ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.
Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.
Larme Siriyen pa ti gran, me SENYER ti'n livre en gran larme dan zot lanmen, akoz lepep ti'n abandonn SENYER, Bondye zot zanset. Konmsa, ki lerwa Zoas ti ganny pini.
Me letan i ti pe koze lerwa ti demann li, “Lekel ki'n nonm ou konseye lerwa? Arete si ou pa oule lanmor.” Profet pa ti ensiste, me i ti dir, “Mon konnen ki Bondye in deside detri ou pour sa ki ou'n fer e ou pa'n ekout mon konsey.”
Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.
Depi zour ki lavil Zerizalenm ti ganny konstri, e ziska ozordi, son bann zabitan in provok mwan e fer mon lakoler monte. Pour sa rezon ki mon pou fer li disparet.
Alor, la sa ki Senyer BONDYE i deklare: Maler lo sa lavil ranpli avek disan. I parey en marmit rouye; larouy in enkriste ladan e i pa oule sorti. Tir bann morso enn apre lot san ki ou bezwen swazir.
SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.
Parey tou bann bon parol ki SENYER, zot Bondye ti dir zot in realize lo zot, osi SENYER pou realiz lo zot, tou bann malediksyon, ziska ki i'n detri zot, e ki i'n fer zot disparet lo sa bon later ki SENYER, zot Bondye in donn zot.