2 Rwa 22:4 - Labib An Kreol Seselwa

⁴ “Al war Gran-Pret Hilkiya, e demann li kont tou larzan ki'n ganny anmennen dan tanp SENYER e sa ki bann gardyen laport in rekolte avek lepep.

2 Rwa 22:4 ပူးပေါင်းရင်းမြစ်များ

2 Rwa 12:4

Zoas ti dir bann pret, “Tou larzan ki ganny ofer koman bann don sakre, e ki ganny anmennen dan tanp SENYER, tou larzan ki sak dimoun i peye pour zot ganny reaste dapre valer ki'n ganny fikse, e tou larzan ki ganny donnen volonterman dan tanp SENYER,

2 Rwa 12:5

bann pret ava servi pour fer bann reparasyon tanp ki zot war neseser.”

2 Rwa 18:18

Zot ti apel lerwa. Alor, Eliakim, garson Hilkiya, ed de kan, Sebna, son sekreter, ek Yoa, garson Asaf, ki ti arsivis, ti sorti pour vin rankontre zot.

1 Kronik 6:13

Saloum ti papa Hilkiya; Hilkiya ti papa Azarya.

1 Kronik 9:11

Azarya, garson Hilkiya, garson Mesoulanm, garson Sadok, garson Merayot, garson Ahitoub, sef tanp Bondye;

1 Kronik 9:19

Saloum, garson Kore, garson Ebiasaf, garson Kore ek lezot manm lafanmir ti ganny etabli gardyen laport lantre, parey zot papa ti gardyen laport lantre kan pep SENYER.

2 Kronik 8:14

Parey son papa David ti'n deside, Salomon ti plas sak pret ek sak levit dapre zot ran. Bann levit ti sante e rann glwar SENYER devan bann pret e ede dan servis, sak zour. I ti plas osi bann portye kot sak laport tanp; tou, dapre lord ki David, serviter Bondye, ti'n donnen.

Nehemi 11:19

Bann portye: Akoub, Talmonn, ek zot bann frer, portye; 172 an tou.

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.