2 Rwa 18:3 - Labib An Kreol Seselwa

³ Ezekyas ti fer sa ki fer plezir SENYER, parey son papa David.

2 Rwa 18:3 ပူးပေါင်းရင်းမြစ်များ

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

1 Rwa 11:4

Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

1 Rwa 15:11

Asa ti fer sa ki ti drwat devan SENYER, parey son papa David.

1 Rwa 15:5

David ti'n fer sa ki byen devan SENYER. Pandan tou son lavi, i pa ti detourn li kont son bann komannman, sof sa ki i ti fer kont Iri, sa Hitit.

1 Rwa 3:14

Si ou fer mon lavolonte, si ou obei mon lalwa ek mon bann komannman parey ou papa David, mon pou donn ou en long lavi.”

2 Rwa 12:3

Sepandan, bann landrwa sakre pa ti ganny detri; lepep ti kontinyen ofer sakrifis e bril lansan dan sa bann landrwa.

2 Rwa 14:3

Amasya ti fer tou sa ki fer plezir SENYER, me pa parey son papa, David. I ti fer egzakteman parey son papa, Zoas.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

2 Rwa 22:2

Zozyas ti fer sa ki fer plezir SENYER e swiv semen son papa, David, san ekarte, ni adrwat ni agos.

2 Kronik 29:2

Ezekyas ti fer plezir SENYER, parey son papa David.

Liv Zob 33:27

Alor, i sante devan tou dimoun: Mon'n fer pese, mon pa'n fer sa ki drwat e mon pa'n ganny trete parey mon ti merite.

Psonm 119:128

Alor, mon swiv tou ou bann direktiv akoz zot zis. Mon deteste tou semen mansonz.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Ezai 38:3

SENYER! Mon enplor ou! Pa oubliy mwan, e ki mannyer mon'n mars devan ou avek lwayote e avek en leker senser, e fer sa ki drwat devan ou. Apre, Ezekyas ti plere amerman.

Romen 7:12

Lalwa li menm i sen, e komannman i sen, zis e bon.

Efezyen 6:1

Zanfan! Obei zot paran devan Senyer, akoz sa i zis.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 6:18

Fer sa ki drwat e sa ki byen devan SENYER, pour ou kapab antre e viv ere dan sa pei ki SENYER in fer serman avek ou bann zanset pour li donn zot.