2 Rwa 17:9 - Labib An Kreol Seselwa

⁹ Pep Izrael ti'n fer an sekre, bann keksoz ki defann kont SENYER zot Bondye. Zot ti'n konstri bann landrwa sakre dan tou zot bann lavil, depi dan bann post obzervasyon, ziska bann lavil fortifye.

2 Rwa 17:9 ပူးပေါင်းရင်းမြစ်များ

2 Rwa 18:8

I ti atak bann Filisten ziska Gaza ek tou son teritwar, depi tour kontrol, ziska bann lavil fortifye.

Liv Zob 31:27

si mon leker in ganny tante an sekre e anbras mon lanmen avek mon labous;

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Ezai 29:15

Maler pour sa bann ki kasyet zot plan lwen avek SENYER! Ki fer proze dan fernwanr e ki dir: Lekel ki war nou? Lekel ki konn nou?

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 27:15

Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!

Deterononm 29:25

Zot ava reponn: Sa ti akoz zot ti'n abandonn lalyans ki SENYER, Bondye zot zanset ti fer avek zot, ler i ti tir zot Lezip.