2 Rwa 17:4 - Labib An Kreol Seselwa

⁴ Lerwa Asiri ti dekouver en konplo par Oze kont li, akoz i ti'n anvoy bann mesaze kot So, lerwa Lezip e refize pey taks lerwa Asiri, ki i ti pe peye dan bann lannen avan. Alor, lerwa Asiri ti met li dan prizon e ansenn li.

2 Rwa 17:4 ပူးပေါင်းရင်းမြစ်များ

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

2 Rwa 17:5

Apre, lerwa Asiri ti anvai pei antye. I ti ariv Samari ki i ti anserkle pandan 3 an.

2 Rwa 18:21

La ou pe met ou konfyans lo Lezip, ki en banbou kase ki pers lanmen sa enn ki apiy lo la. La ki mannyer Faraon, lerwa Lezip, i ete pour tou sa ki met konfyans dan li.

2 Rwa 24:1

Dan sa lepok, Naboukodonozor, lerwa Babilonn ti sorti pour al fer lager. Yoyakim ti anba son pouvwar pandan 3 an. Apre, i ti revolte kont li.

2 Rwa 24:20

Zerizalenm ek Zida ti provok lakoler SENYER, ziska i ti rezet zot lwen avek li. Sedesyas ti revolte kont lerwa Babilonn.

2 Rwa 25:7

Zot ti egorz bann garson Sedesyas devan son lizye. Apre, zot ti krev son lizye, atas li avek lasenn an bronz e anmenn li Babilonn.

2 Kronik 32:11

Kan lerwa Ezekyas i dir zot: SENYER, nou Bondye, pou delivre nou dan pouvwar lerwa Asiriyen, i pe anbet zot pour fer zot mor par lafanmin e par laswaf.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 13:10

Oli ou lerwa, pour li sov ou? Dan tou ou bann lavil, oli ou bann sef? Pa ou ti dir: Donn mwan en lerwa ek bann sef?

Oze 8:10

Kanmenm zot in pey bann nasyon, mon pou rasanble zot. Zot pou soufer anba fardo zot bann lerwa ek zot bann sef.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.