2 Rwa 16:3 - Labib An Kreol Seselwa

³ Me i ti fer parey bann lerwa Izrael e i ti menm ofer an sakrifis son garson, dapre bann pratik degoutan bann nasyon ki SENYER ti'n sase devan pep Izrael.

2 Rwa 16:3 ပူးပေါင်းရင်းမြစ်များ

1 Rwa 14:24

Ti annan menm bann prostitye sakre dan pei. Zot ti imit bann pratik degoutan bann nasyon ki SENYER ti'n sase devan Izrael.

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 17:19

Zida osi pa ti gard komannman SENYER zot Bondye: Zot ti swiv bann koutim ki Izrael ti'n entrodwir.

2 Rwa 17:8

Zot ti'n swiv koutim bann nasyon ki SENYER ti'n sase devan pep Izrael, ek bann koutim ki bann lerwa Izrael ti'n entrodwir.

2 Rwa 21:11

Akoz Manase, lerwa Zida, in komet bann aksyon degoutan; akoz in fer pli mal ki sa bann Amorit ti fer avek zot; akoz in fer Zida komet pese par son bann zidol,

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 21:9

Me zot pa ti ekoute; Manase ti tronp zot e fer zot fer bann pli move keksoz ki sa bann nasyon ki SENYER ti'n detri devan pep Izrael.

2 Rwa 23:10

Lerwa ti rann enpir Tofet ki dan laplenn bann garson Hinonm, pour ki personn pa ofer ankor ni son garson, ni son fiy, an sakrifis dan dife pour Molek.

2 Rwa 8:18

I ti fer tou sa ki bann Lerwa Izrael ti'n fer, parey lafanmir Akab ti'n fer, akoz son fanm ti en fiy Akab; i ti fer tou sa ki ti depler SENYER.

2 Kronik 22:3

Akazya ti osi swiv bann move legzanp fanmir Akab, akoz move konsey son manman.

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Psonm 106:35

Me zot ti al melanz avek zot e aprann zot bann pratik.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Ezekyel 16:21

Ou ti bezwen touy mon bann zanfan e bril zot koman sakrifis devan ou bann zidol?

Ezekyel 16:47

Ou pa'n zis kontante swiv zot bann pratik degoutan, me ou'n fer pir ki zot dan en pti moman.

Ezekyel 20:26

Me mon ti les zot vin enpir par zot bann don, ler zot ti ofer an sakrifis zot premye zanfan pour mwan, pour fer zot per e pour ki zot konnen: Mwan ki SENYER.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 20:2

Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Mise 6:7

Eski bann milye mouton mal, bann milye larivyer delwil pour fer plezir SENYER? Eski mon devre ofer mon lene garson pour pardon nou bann pese? Eski mon bezwen donn mon zanfan, pour mon prop fot?

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 18:10

Personn parmi zot pa devre ofer son garson, oubyen son fiy an sakrifis, ni fer divinasyon, ni predir lavenir, ni pratik mazik, ni fer sorsye,